Emner: GEO328 Planlegging og samfunn - Høst 2017
Studiepoeng
10.0Studienivå (studiesyklus)
Master
Undervisningsspråk
Norsk
Undervisningssemester
Haust
Undervisningsstad
Universitetet i Bergen og feltområde.
Mål og innhald
Studentane skal trenast i å forstå og analysere samfunnsplanlegging og endringsprosessar i byer. Dette vert sett i lys av samspelet mellom lokale og globale prosessar.
Kurset gir ei innføring og fordjuping i nyare kritisk planleggingsteori og urban teori relatert til endring. Det vert lagt særleg vekt på korleis lokal og regional samfunnsplanlegging møter og kan møte flyten av idear, kapital og menneske. Ei sentral problemstilling i kurset er kva det vil seie å planlegge innanfor romleg kompleksitet. Kurset vektlegg såleis korleis ulike geografiske nivå spelar inn i lokale og regionale planleggingsprosessar. Det blir lagt særleg vekt på korleis styringssystem og ulike strategiar for endring i byen samspelar med politiske og ideologiske tilhøve, det økonomiske, det sosiale og materielle tilhøve. I undervisinga blir det lagt vekt på å eksemplifisere og å diskutere ulike praktiske og teoretiske tilnærmingar innan planlegging i lys av kontekstuelle føresetnader.
Læringsutbyte
Etter fullført emne skal studenten kunne:
- gjere greie for utviklinga i samfunnsplanlegginga dei siste tiåra og for ulike kritiske tilnærming til og teoriar om planlegging og byutvikling.
- gjere greie for sentrale tema innanfor samfunnsplanlegginga i dag, slik som klima, migrasjon og økonomisk krise og drøfte kva utfordringar planlegging i dag står overfor
- gjere bruk av fagleg kunnskap for å forstå og drøfte resultat av samfunnsplanlegging og byutvikling.
Krav til forkunnskapar
Bachelorgrad i geografi eller tilsvarande bakgrunn.
Tilrådde forkunnskapar
Grunnleggande kunnskap i geografi og samfunnsvitskap og basiskjennskap til samfunnsplanlegging.
Krav til studierett
Kurset er ope for studentar på masternivå som fyller kravet til forkunnskapar. GEO328 er eit særemne, og kan difor gå inn i det obligatoriske kravet om to særemne i mastergraden i geografi.
Undervisningsformer og omfang av organisert undervisning
1-2 førelesingar/seminar á 2 timar pr. veke.
Totalt 10-12 førelesningar/seminar
1-2 ekskursjonar á 3-4 timar.
3 utvida seminar/verksted á 3-6 timar.
Obligatorisk undervisningsaktivitet
Førebuing til og deltaking på 3 utvida seminar/verksted á 3-6 timar.
Vurderingsformer
Semesteroppgåve (30%)
Skuleeksamen, 5 timar (70%)
Begge delar må vere bestått for å få karakter i emnet.
Karakterskala
Karakterskala A-F
Vurderingssemester
Haust og vår
Emneevaluering
Institutt for geografi evaluerer ein tredjedel av kursporteføljen kvart semester. GEO328vil difor bli evaluert minimum kvar tredje gong kurset undervisast i.
Kontaktinformasjon
Institutt for geografi
Studieveileder@geog.uib.no