Emnet skal gi oversyn over lange utviklingslinjer og sentrale historiske problem frå antikken fram til om lag 1750. Av sentrale tema er oppkomst og utvikling av bystatar, kongerike og imperium; grunnleggjande trekk ved teknologi, økonomi og sosial organisering i by- og jordbrukssamfunn; kontakt mellom samfunn og kulturar gjennom migrasjon, kommunikasjon og nettverk; regionale, kulturelle fellestrekk i forhold til lokale særtrekk; forholdet mellom verdsleg makt, religion og religiøse institusjonar.
Emnet søkjer å setja europeisk og norsk historie i globale referanserammer og perspektiv. Målet er å gi studenten verktøy til å analysera samfunn komparativt i tid og rom.
Emnet er obligatorisk i ein spesialisering i historie, og i et historie årsstudium.
Kunnskapar:
Studenten har grunnleggjande kunnskapar om sentrale hendingar, institusjonar, system og prosessar opp til ca. 1750. Kunnskapane skal ha europeisk, globale og norske referanserammer. Studenten har også grunnleggjande kunnskap om historiefaget sin metode.
Ferdigheiter:
Studenten har evne til å drøfta historiske problemstillingar og til å trekkja eigne konklusjonar.
Generell kompetanse:
Studenten har evne til å setja seg inn i ein omfattande faglitteratur, til å formidla kunnskapar derifrå, og til å argumentera for eigne konklusjonar i skriftleg arbeid.
Ein 7 dagars heimeeksamen over oppgitt tema og 2 timars skriftleg skuleeksamen. Den skriftlege heimeeksamen skal leverast elektronisk og skal vera på mellom 2000 og 3000 ord (ikkje medrekna referansar og litteraturliste).
Det blir gitt ein samla karakter, der heimeeksamen tel 70 prosent og skuleeksamen 30 prosent.
Heimeeksamen må vere bestått i eit undervisningssemester, men studentar kan ta skuleeksamen også i det påfølgjande undervisningsfrie semesteret.
Studentar som ikkje får greidd begge eksamensdelane i undervisingssemesteret eller det påfølgjande undervisningsfrie semesteret, må ta begge delane om igjen.
Begge eksamensdelar må vere bestått for å få eit samla resultat i emnet.
Institutt for arkeologi, historie, kultur- og religionsvitenskap.
studierettleiar@ahkr.uib.no