Etter fullført emne:
Kunnskapar
Studenten
- har ei utvida forståing av språksystemet og prinsippa som japanske ordbøker er bygde opp etter.
- har kjennskap til uformell tale samt vørdsamt og audmjukt språk. Studentane vert eksponerte for munnleg japansk gjennom lytteøvingar og bruk av multimedia.
- har auka kulturell innsikt og kjennskap til daglegliv og skikkar.
Dugleikar
Studenten
- kan grammatikk, vokabular og om lag 200 nye kanji.
- har trening i å skrive tekstar på japansk.
Generell kompetanse
Studenten
- har grunnleggjande innsikt i grammatiske strukturar på høgare begynnarnivå.
- har eit språkleg nivå tilsvarande Japanese Language Proficiency Test, nivå 4.
Undervisninga vil bli gitt i form av forelesingar, gruppeundervisning samt individuell rettleiing i samband med skriftleg arbeid.
Det er om lag 10 timar førelesing og 2 timar samtalegrupper i veka i 12 veker.
Pensum består av ei innføringsbok i japansk med tilhøyrande arbeidsbok og CD. Verket inneheld dialogtekstar, grammatikkutgreiingar, vokabular, øvingar og skriftteikn. Ei lærebok/øvingsbok i skriftteikn vert også nytta, samt utvalde tekstar som vert utleverte på førelesningane.
Det blir utarbeidd ei liste over tilrådd tilleggslitteratur (grammatikkbøker, oppslagsverk og øvingar på internett).