Mål:
Kurset skal gi studentar med svak kjemibakgrunn frå vidaregåande skule ein basis for vidare studium i kjemi eller andre realfag. Målet er å gi studentane ei forståing av korleis naturen og livet er bygd opp av kjemiske sambindingar Det er og eit mål at studenten skal få kjennskap til kjemiske prinsipp og prosessar som er sentrale for forståinga av andre naturvitskaplege fag.

Innhald:

Kjemi er studiet av oppbygginga, eigenskapane og reaksjonane til stoff. Av tema som kan inngå nemnast: Atom og molekyl, periodesystemet, typar av sambindingar, namnsetjing, funksjonelle grupper, støkiometri (mol, konsentrasjon, gasstrykk), reaksjonstypar, kjemisk jamvekt, enkel varmelære.
Deler av pensumet kan bli illustrert med praktiske demonstrasjonsforsøk.

Kunnskapar:

• Ha grunnleggjande kunnskap om korleis atomet er bygd opp
• Ha grunnleggjande kunnskap om korleis stoff er sett saman (grunnstoff, ioniske og molekylære sambindingar, blandingar)
• Ha grunnleggjande kunnskap om kvifor og korleis stoff kan omdannast mellom ulike former
• Ha grunnleggjande kunnskap om bindingar mellom atom og krefter mellom molekyl
• Ha grunnleggjande kunnskap om kjemiske reaksjonar.
• Ha grunnleggjande kunnskapar om reversible prosessar.
• Ha grunnleggjande kunnskapar om korleis kjemiske prosessar gjer seg gjeldande i naturen

Ferdigheter

• Kunne utføre støkiometriske utrekningar.
• Kunne finne molekylformlar og liknande ut frå oppgitte data om eit stoff.
• Kunne bruka prinsippa for kjemiske likevekter til å finne likevekstkonstantar, likevektskonsentrasjonar m.m. for enkle reaksjonar.
• Kunne greie ut om korleis reine stoff oppfører seg under ulike betingelser (faseoppførsel)
• Kunne nyttegjere seg løyseligheitstabellar for å kvalitativt beskrive utvalde reaksjoner.
• Kan gjere greie for korleis grunnstoffa kan settast opp i eit periodisk system, og kan forklare den periodiske variasjon for utvalde atomegenskapar

Generell kompetanse:

Forstå engelsk faglitteratur

Undervisninga gis i form av førelesningar og kollokvier

Forelesningar: 4 timer pr veke i X veker

Kollokvier: 2 t per veke i X veker

Mappeevaluering basert på midtsemestervurdering (30%), og skriftleg slutteksamen (4t) (70%).
Utfyllande eksamensreglar:
1. Obligatorisk innlevering er gyldig i 6 påfølgande semester.
2. Midtsemestervurdering og slutteksamen har berre gyldigheit i same semester som dei gjennomførast.
3. I semester med undervisning:
a) Studentar utan godkjend obligatorisk innlevering frå tidlegare semester må gjennomføre mappeevaluering.
b) Studentar med godkjend obligatorisk innlevering frå tidlegare semester kan
Enten
i. Etter skriftleg melding til instituttet innan fristen for eksamensoppmelding, delta i mappeevalueringa, og må då gjennomføre alle delane av mappeevalueringa inneverande semester
Eller
ii. Berre avlegge avsluttande eksamen. Resultatet frå denne eksamen utgjer karaktergrunnlaget.
4. I semester utan undervisning:
a) Studentar med godkjend obligatorisk innlevering kan ta avsluttande eksamen, som då utgjer karaktergrunnlaget.
b) Studentar utan godkjend obligatorisk innlevering frå tidlegare kan ikkje avlegge eksamen.

Tillatne hjelpemiddel på eksamen: Enkel kalkulator i samsvar med modell oppført i fakultetets reglar.
Oppgåver, journalar og andre obligatoriske innleveringar må leverast innan fastsette fristar for å få obligatoriske aktivitetar godkjende og for å få tilgang til avsluttande eksamen i emnet.

Ved sensur av emnet vert karakterskalaen A-F nytta.