Emner: KOPRA103 Planlegging og evaluering av undervisning - Vår 2017
Studiepoeng, omfang
Ingen
Studienivå (studiesyklus)
Bachelor
Fulltid/deltid
Fulltid
Undervisningsspråk
Norsk
Undervisningssemester
Haust
Undervisningsstad
Praksisskule og UiB.
Mål og innhald
Emnet skal gje utdjupa erfaring med skulen sett frå eit pedagogisk og fagdidaktisk perspektiv. Emnet skal gje innblikk i kva rolle ulike styringsverktøy og læremiddel speler i skulekvardagen, og kva dette har å seia for elevane si læring i fag.
Studentane skal planleggje, prøve ut og evaluere aktivitetar i faga sine med utgangspunkt i læreplan, og vera i stand til å reflektera over eigen praksis.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Studenten har kunnskapar om
- korleis og i kva grad ulike styringsverktøy som læreplanar, undersøkingar og målingar verkar inn på undervisninga.
- om bruken av ulike typar læremiddel i undervisninga.
- vilkår og føresetnadar for elevane si læring i fag.
Studenten kan
- Planleggje, gjennomføre og evaluere ei undervisningsøkt med utgangspunkt i læreplan og kompetansemål i faget.
- Kritisk vurdere bruken av ulike typar læremiddel i forskjellige læringskontekstar.
- Nytte informasjon henta inn gjennom ulike undersøkingar til å reflektere over eiga undervisning og elevane si læring i fag.
Studenten har:
- Innsikt i dei ulike samfunnsmessige samanhengane skulen går inn i og kva dette har å seia for lærarrolla og elevane si læring.
Krav til forkunnskapar
KOPRA101 og KOPRA102
Krav til studierett
Opptak til lektorprogram ved UiB.
Undervisningsformer og omfang av organisert undervisning
12 dagar (HF)
7 dagar (MN)
Dette inkluderer føre- og etterabeid ved UiB.
For HF-studentane inkluderer det i tillegg to førebudde temaseminar arrangert i samarbeid mellom praksisfeltet og profesjonsfaga.
Obligatorisk undervisningsaktivitet
- 100 % oppmøte i praksis inkludert føre- og etterabeid ved UiB.
- Planleggje, gjennomføre og evaluere minst éi undervisningsøkt med ein klasse eller gruppe av elevar.
- Loggføring for alle praksisdagar.
Vurderingsformer
- Vurdering av deltaking i praksis vert gjort saman med rettleiar i skulen.
- Vurdering av studenten sin faglige refleksjon over erfaringar frå praksis vert gjort av fagdidaktikarar og pedagogar ved UiB.
Karakteren vert fastsett på grunnlag av ei samla vurdering av punkta over.
Karakterskala
Greidd/Ikkje greidd
Emneevaluering
Emnet vert evaluert i tråd med UiB sitt kvalitetssikringssystem.
Programansvarleg
Det matematisk-naturvitskapelege fakultet
Det humanistiske fakultet
Emneansvarleg
Institutt for pedagogikk, Det psykologiske fakultet
Administrativt ansvarleg
Institutt for pedagogikk, Det psykologiske fakultet
Kontaktinformasjon
Studierettleiar kan kontaktast her:
studierettleiar@psyfa.uib.no
Tlf 55 58 27 10