Målet med dette emnet er å gi studentane utvida kunnskap om journalistiske metodar og om dei etiske fundamenta i faget. Bruk av kvalitative og kvantitative data, kjeldeanalyse, kjeldekritikk og opphavsrett står sentralt.

Kurset rommar praktiske øvingar, knytt både til arbeid med konkrete presseetiske dilemma og metodisk praktiske øvingar. Ein diskuterer særleg dei utfordringar for ein uavhengig kvalitetsjournalistikk som følgjer av innhaldsmarknadsføring og tilgangen på visuelt materiale der ein ikkje kjenner opphavet. Kurset fokuserer og på andre utfordringar for kvalitetsjournalistikk og yrkesetikk som ulike sider ved internett representerer.

Etter avslutta emne kan kandidaten

• reflektera over sentrale yrkesetiske spørsmål i journalistikken
• nytta grunnleggande metodiske verktøy i praktisk journalistikk
• reflektera over sterke og svake sider ved eige og andre sine metodiske val
• gjera greie for viktige opphavsrettslege utfordringar i journalistikken

Emnet er reservert for studentar ved bachelorprogramma i journalistikk, film & tv-produksjon og nye medier

Workshops, seminar og førelesingar.

Deltaking på alle workshops og førelesingar, inkludert internt «PFU-møte», er obligatoriske.