Målet med dette fordjupingsemnet er å styrka studentane sin kunnskap om medias publikum, om mediebruk og meiningsdanning. Emnet tar særskilt for seg endringar i bruken knytt til digitale media, og gir studentane innsikt i lokale så vel som globale kontekstar for mediebruk. Emnet gir kritiske perspektiv på mediebruk sett i høve til tema som kjønn, klasse, etnisitet og digitale skiljeliner. Det gis ei fordjuping i sentrale metodiske tilnærmingar, men og ei innføring i metodar som er særskilt relevante for å studera nye former for mediebruk. Gjennom arbeidet legg ein vekt på metodisk refleksjon og på samanhengane mellom kvantitative og kvalitative tilnærmingar, samt tilhøvet mellom teori og metode.
Læringsutbyte
Etter å ha fullført emnet skal studenten kunne:
diskutera mediebruk og meiningsdanning med eit kritisk perspektiv
reflektera over endringar i mediebruken over tid knytt til samfunnsmessige skiljeliner
analysera bruken av media ved hjelp av metodiske tilnærmingar som er sentrale i forskinga
utvikla presise problemstillingar, nytta sentrale metodar for å forklare og forstå mediebruk historisk og i eit samfunnsperspektiv
utføre eit mindre forskingsprosjekt.
Krav til forkunnskapar
Ingen, men kurset byggjer vidare på MEVI101 - MEVI104, fyrst og framst MEVI102
Krav til studierett
Emnet er reservert for studentar med studierett på bachelorprogrammet i medievitskap ved Universitetet i Bergen.
Undervisningsformer og omfang av organisert undervisning
Førelesingar, ca. 16-20 timar, og seminar, ca. 16 timar.
Obligatorisk undervisningsaktivitet
Godkjend seminaroppgåve og -deltaking. Godkjent pensumtest. Godkjende arbeidskrav har inga tidsavgrensing.
Vurderingsformer
Bacheloroppgåve, med eit omfang på omkring 8000 ord, under rettleiing.