Målet med dette emnet er at studentane skal utvikle evna til å lese norrøne tekstar i kjeldenær form, dvs. i fotografisk faksimile av handskrifter, diplom og runeinnskrifter.
Til grunn for dette emnet ligg eit studium av det latinske alfabetet i norrøne handskrifter og diplom (paleografi) og det yngre runealfabetet i norrøne innskrifter (runologi). Emnet gjev ei innføring i transkripsjon av begge alfabeta og dessutan translitterering av innskrifter i runealfabetet.
Kunnskapar
Ein kandidat som har teke eksamen i NOFI110
- har grunnleggjande kunnskap om utviklinga av den norrøne skrifta i det latinske alfabetet og forkortingssystemet i denne
- har god kunnskap om eit utval gammalnorske og gammalislandske tekstar i fotografisk faksimile
- har god kunnskap om eit utval av norske runeinnskrifter frå mellomalderen (1050¿1350)
Ferdigheiter
Kandidaten
- kan transkribere tekst frå fotografiske faksimilar av handskrifter i det latinske alfabetet
- kan løyse opp forkortingar i handskriftene
- kan transkribere og translittere runeinnskrifter som ikkje er særskilt skadde eller vanskelege å lese
- kan normalisere og omsetje eit utval av handskriftstekstar og runeinnskrifter
Generell kompetanse
Kandidaten
- kan kjenne igjen og analysere paleografiske trekk i tekstar i det latinske alfabetet også på andre mellomalderspråk
- kan arbeide med tekstar også på andre språk i runealfabetet
- kan arbeide med transkripsjonsoppgåver allment, og er kjent med generelle problem med translitterering frå eitt alfabet til eit anna
Førelesingar: om lag 4 timar i veka i om lag 3 veker.
Kollokvium: om lag 2 timar i veka i om lag 3 veker.
I alt om lag 18 timar undervisning.
Undervisninga blir gjeven i den siste tredjeparten av semesteret.
Undervisninga blir lagd opp med tanke på aktiv deltaking, og det blir derfor venta av studentane at dei utfører dei heimeoppgåvene (skriftlege og/eller munnlege) som blir gjevne som del av undervisninga.
Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mitt UiB. På emne der dette kan bli aktuelt, vil studentane få informasjon om det ved semesterstart og før semesterregistreringsfristen 1. februar/1. september.
1) Oppmøte på minst 75 % av førelesningane og kollokvia sett under eitt..
2) Dersom studenten i samråd med faglærar legg opp eit anna pensum enn standardpensumet i emnet, må han levere og få godkjent pensumlista innan kunngjord frist.
Dei obligatoriske arbeidskrava er gyldige i undervisningssemesteret og det påfølgjande semesteret.
Ein skriftleg skuleeksamen på fire timar.
Studenten kan skrive på norsk, dansk, svensk, engelsk eller tysk.
Det er høve til å bruke norrøn ordbok og norrøn grammatikk under eksamen. Studenten må sjølv ta med ordbok og grammatikk.
Utanlandske studentar kan dessutan bruke ordbok til og frå deira eige språk til moderne norsk, og frå moderne norsk til deira eige språk.
Pensum:
A. Primærlitteratur
1. Gammalnorsk tekst i faksimile: om lag 3 sider i handskriftsfotografi eller det utvalet av norske faksimilar som står i kap. 4 av Odd Einar Haugen i Handbok i norrøn filologi, utg. Odd Einar Haugen, Bergen: Fagbokforlaget (2013).
2. Gammalislandsk tekst i faksimile: om lag 3 sider i handskriftsfotografi eller det utvalet av islandske faksimilar som står i kap. 4 i Handbok i norrøn filologi.
3. Yngre runer: 10 innskrifter, t.d. frå det utvalet som står i kap. 3 av Karin Fjellhammer Seim i Handbok i norrøn filologi.
B. Sekundærlitteratur
1. Paleografi, t.d. kap. 4 i Handbok i norrøn filologi.
2. Runologi, særleg yngre runer, t.d. kap. 3 i Handbok i norrøn filologi.
Instituttet gjev framlegg til fullt spesifisert pensumliste. Det er høve til å skifte ut delar av pensumlitteraturen i samråd med faglærar. I så tilfelle må kandidaten ta kontakt med faglærar så snart som råd og levere og få godkjend pensumlista innan oppgjeven frist.
Institutt for lingvistiske, litterære og estetiske studium
E-post: