Norsk/engelsk

Haust

Emnet er samansett av tre hovudkomponentar, som saman tar sikte på å 1) gje studenten eit generelt oversyn over samfunnsvitskaplege tankemåtar og metodar, 2) auke studenten si mestring av akademisk skriving og lesing, og 3) innføra studenten i sentrale antropologiske tematikkar, metodiske tradisjonar og fagspesifikke formidlingsformar. Emnet er satt saman med tanke på å utfylla SANT100 http://www.uib.no/nb/emne/SANT100 Invitasjon til sosialantropologi, og ein rår studenten difor til å ta desse emna parallelt.

Den første bolken gjev eit kort overblikk over samfunnsfaga si historie og ei innføring i nokre sentrale samfunnsvitskaplege omgrep, metodar og tenkemåtar. Bolken formidlar kunnskap om dei ulike samfunnsvitskaplege disiplinane sine særtrekk så vel som deira fellesfaglege grunnlag.

Den andre bolken gjev ei innføring i stilistiske og skrivetekniske særtrekk ved samfunnsfagleg akademisk skriving gjennom tekstanalyse og skrivetrening. Studenten lærar å tolka og utforma ein akademisk tekst i samhøve med disiplinære normer for fagleg form og innhald, med eit særleg fokus på sosialantropologiske tekstar. Det blir lagt vekt på å læra studenten å identifisera og trekkja ut dei faglege argumenta i ein tekst.

Den tredje bolken er førebuande til substansemna SANT102-SANT105. Det blir lagt vekt på sosial organisasjon, ervervsmåtar og humanøkologi, samt sosial differensiering, ideologi og trusformar. Bolken er monografibasert med det føremål å gje studenten ei heilskapleg forståing av forholdet mellom det antropologiske feltet, antropologisk metode, antropologisk kunnskapsproduksjon og tekstleg framstilling. På denne måten utfyllar dei tre bolkane innanfor emnet kvarandre, samstundes som studenten blir gjeven ei innføring i sentrale antropologiske tematikkar, teoretiske retningar og analytiske tenkemåtar.

Dei kunnskapar og den praksisøvinga som kurset gir, kan brukast på alle fag ved Det samfunnsvitskapelige fakultet.

• Greie ut om sentrale samfunnsfaglege tradisjonar og metodar.
  
• Kunne skrive, lese og tolke ein akademisk tekst, og kunne kritisk analysera og identifisera teksten sine sjangerbestemte normer for innhald, form og oppbygging.
  
• Gje ei oversyn over nokre av det antropologiske faget sine grunnleggande omgrep, perspektiv, metodar og formidlingsformer.
• Dokumentera kjennskap til sentrale aspekt ved antropologifaget si tilnærming til sosial organisasjon, ervervsmåtar og humanøkologi, samt sosial differensiering, ideologi og religion.

Ingen

SANT100

Førelesningar og arbeidsseminar samt kommentarar til arbeid med skriftlige oppgåver via Internett.

2 timer førelesing per veke

2 timer arbeidsseminar per veke, med forsterka seminararbeid under del 2) av kurset

12 veker undervisning

Ca. 24 timar førelesing totalt

Institutt for sosialantropologi

Fosswinckelsgate 6

5007 Bergen

E-post: Studieveileder@sosantr.uib.no

Telefonnr: 55 58 92 50 / 55 58 94 51

Heimeside: http://www.uib.no/antro/

Institutt for sosialantropologi