Bachelor

Fulltid

Norsk

Haust

Målsetjinga for emnet er å gje ei brei innføring i det spesialpedagogiske fagfeltet og gje studentane kunnskap om og forståing for spesialpedagogikken sitt virkeområde.

Det blir fokusert på å gje studentane innsikt i spesialpedagogikken si forankring i samfunnet og korleis dette har endra seg i eit historisk perspektiv. Emnet skal vidare gje studentane kunnskap om ulike tilstandar som gir læringsutfordringar. Med utgangspunkt i barnehagen og grunnopplæringa sitt mandat vil det og verta fokusert på å gje studentane innsikt i sentrale omgrep som normalisering, førebygging, tidleg innsats, inkludering og tilpassa opplæring, både på individ og systemnivå. Studentane vil også få innsikt i lovverk og sentrale styringsdokument med relevans for det spesialpedagogiske fagfeltet, og korleis tiltakskjeda fungerer når ein har identifisert eit spesialpedagogisk behov.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten ..

• har kunnskap om barn, unge og vaksne med særskilde opplæringsbehov, og korleis samfunnet historisk sett har tilnærma seg desse gruppene.
• har kjennskap til sentrale lovverk og relevante styringsdokumenter for barn, unge og vaksne med særskilde opplæringsbehov.
• har kunnskap om ulike former for lærevanskar.
• har kjennskap til korleis ein går fram når eit spesialpedagogisk behov skal utgreiast.
• har kjennskap til ulike former for tilrettelegging av læringsaktivitetar for elevar med ulike læreføresetnader.
• Kan gjere greie for fagfelta si historiske utvikling og eigenart.

Ferdigheiter

Studenten ..

• kan identifisere etiske problemstillingar knytt til sentrale omgrep innanfor tilpassa opplæring og spesialundervisning.
• kan gjennomføre litteratursøk og sette seg inn i faglitteratur med relevans for det spesialpedagogiske fagfeltet.
• kan identifisere eigne læringsmål og formulere og nærme seg problemstillingar innafor det spesialpedagogiske fagfeltet.

Generell kompetanse

Studenten ..

• kan kritisk reflektere over faglege, danningsteoretiske og utdanningspolitiske spørsmål med relevans for det spesialpedagogiske fagfeltet.
• kan formidle og kommunisere spesialpedagogiske problemstillingar på ein fagleg måte.

Undervisninga legg vekt på studentaktive læringsformer i seminar og bruk av digitale læringsressursar. I forbindelse med semesteroppgåva vert det gitt rettleiing, inkludert tilbakemelding frå rettleiar på problemstilling og eit tekstutkast, samt at studentane gir tilbakemelding til kvarandre. I tillegg vert det gitt tematiske førelesningar som dekkjer dei mest sentrale delane av emnet.

Innlevering av eit til to tekstutkast og tilbakemeldingar til to medstudentar på tekstutkast.

A-F

Emnet vert evaluert i tråd med Det psykologiske fakultet sine rutinar for deltakande evaluering og UiB sitt kvalitetssikringssystem.

Institutt for pedagogikk

Institutt for pedagogikk

Studierettleiar kan kontaktast her:mailto:Studierettleiar.psyfa@uib.no

mailto:Studierettleiar.psyfa@uib.noStudierettleiar.psyfa@uib.no

Tlf 55 58 27 10