Emne har som målsetjing å gje ei generell innføring i observasjon, kartlegging, vurdering og tiltak i tilknyting til barn og unge med særskilde behov. Vidare er det ei målsetting at studentane gjennom spesialpedagogisk praksis skal få kjennskap til korleis observasjon, kartlegging, vurdering og tiltak blir nytta og gjennomført i barnehage og skule. Fokusområde vil i all hovudsak være retta mot språkutvikling og åtferd.

Emnet vil gje studentane ei grunnleggjande forståing av omgrep som inkludering, normalitet og avvik. Dette er naudsynt for å kunne vurdere relevans og kvalitet i aktuelt kartleggingsmateriell og testar som blir nytta i spesialpedagogisk praksis, samt kunne observere, vurdere og drøfte etiske dilemma i tilknyting til bruk av ulikt kartleggingsmateriale.

Vidare vil ei forståing av kartlegging, observasjon, vurdering og tiltak i eit individ- og systemperspektiv vere grunnleggjande å ha kjennskap til. I den samanhengen vil det bli sett fokus på korleis ein kan utforme spørsmål og oppgåver for å utøve heilskaplege observasjonar, vurderingar og tiltak for barn og unge med særskilte behov.

Emne legg også vekt på at studentane skal få kunnskap om betydinga av tidleg innsats og korleis tiltakskjeda fungerer når ein har identifisert eit spesialpedagogisk behov.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten ...

• har kunnskap om sentrale omgrep innanfor testteori og kartlegging,
• kan gjere greie for inkludering og ulike definisjonar av normalitet og avvik
• kan gjere greie for observasjon
• kan gjere greie for kartleggingsmateriale
• kan gjere greie for ulike former for spørsmål, oppgåver og svarkategoriar som kan brukast i testar
• kan gjere greie for prosedyrar frå observasjon, kartlegging, vurdering og tiltak

Ferdigheiter

• Studenten ...
• kan anvende fagleg kunnskap og relevante resultat frå kartleggingsmateriale og/eller enkle testar til å vurdere tiltak
• kan utforme spørjeskjema/intervjuguide og gjennomføre eit intervju
• kan gjennomføre observasjon av eitt eller fleire barn i naturlig samspel, der observasjonane skal vera retta mot språkferdigheiter eller åtferd
• kan reflektere rundt bruk av kartleggingsmateriale/testar i spesialpedagogisk praksis

Generell kompetanse

• Studenten ...
• kan gjere greie for bruken av ulike kartlegginsmateriale/testar og kartleggingsprosedyrar i spesialpedagogisk praksis
• kan vurdere etiske og faglige dilemma rundt kartlegging og bruk av testar
• vurdere faglig verdi av ulike test og kartleggingsprosedyrar
• kan vurdere fordeler og ulemper ved formelle testprosedyrar og uformelle kartleggingsprosedyrar
• kan vurdere testar på bakgrunn av vanlege kvalitetskriterier
• kan kjenne til grunnleggjande omgrep i testteori, slik som validitet og reliabilitet.
• -kan vurdere aktuelle tiltak knytt til språk og åtferd

Dei mest sentrale emna vert dekka gjennom temaførelesingar og seminar.

Praksis, til saman 50 timar som inkluderer for- og etterarbeid. Studentane får utlevert eit eige skriv med informasjon om praksis ved semesterstart

• Deltaking på seminargruppe
• Deltaking i praksis
• Levere ein rapport på 2000 ord etter praksisperioden
• Presentere eigne erfaringar frå praksis til studentgruppa

Arbeidskrava må vere godkjende for å framstille seg til vurdering i emnet.

Litteraturlista vil vere klar innan 01.06. for haustsemesteret og 01.12. for vårsemesteret.

mailto:Studierettleiar.psyfa@uib.noStudierettleiar.psyfa@uib.no

Tlf 55 58 27 10