Kurset har som målsetjing å gje ei innføring i konstruksjon og kvalitetssikring av ein test for å måle eit psykologisk eller pedagogisk fenomen på ein påliteleg måte, og vil gje ei innføring i emne som ulike formelle og uformelle tilnærmingar til kartlegging; testutvikling; korleis ein undersøkjer, etterprøver, standardiserer og normerer ein testprosedyre. Vidare vil ein gjennom praksis observere, prøve og så drøfte korleis testar og kartleggingsprosedyrar kan nyttast i diagnostisk arbeid med born og vaksne innanfor psykologisk og pedagogisk praksis, og drøfte etiske dilemma i tilknyting til testbruk. Det vil verta lagt vekt på å utvikla studenten si evne til å vurdere sterke og svake sider ved ulike testar som vert nytta i logopedisk, men òg i pedagogisk-psykologisk verksemd.

Arbeidsreiskap for dette arbeidet er statistikk og metodelære, og grunnleggjande forståing for statistiske fenomen som sentraltendensar, spreiing og korrelasjonar er naudsynt for å kunne vurdera testprosedyrar sin reliabilitet, validitet og klinisk nytteverdi. Vidare vil ei forståing for betydinga av systematiske observasjonar i forhold til observasjon av tilfeldige hendingar vere viktig for å vurdera om det ein ser er innanfor det ei kan kalle ei normal variasjon, eller om det er ei avvikande observasjon. Ulike formelle og uformelle kartleggingsprosedyrar vil verte gjennomgått og prøvd ut, og det vert sett fokus på korleis ein kan utforme spørsmål og oppgåver for å utarbeide pålitelege kartleggingsprosedyrar. Klassisk testteori og «item response theory» vil vere sentrale utgangspunkt for diskusjonane. Evne til etiske refleksjonar rundt testing og kartegging vil vere viktig.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten ...

• kan beskrive og definere sentrale omgrep innanfor test- og kartlegging, så som sann skår og målefeil; validitet og reliabilitet; klassisk testteori og item response theory;
• kan gjere greie for ulike definisjonar av normalitet
• kan gjere greie for vanlege testkategoriar
• kan gjere greie for ulike formar for testledd og spørsmålskategoriar
• kan gjere greie for ulike sentrale trinn i utvikling av ei standardisert test og bruken av normbaserte testar

Ferdigheiter

Studenten ...

• kan anvende fagleg kunnskap og relevante resultat frå enkle testar til å vurdere normalitet og avvik
• kan utføre kartlegging av pedagogiske forhold hos elevar
• kan utforme eit spørjeskjema og gjennomføre et kartleggingsintervju
• kan gjennomføre ei systematisk observasjon av barnespråk og beskrive språkstatus
• kan reflektere rundt bruk av testar i logopedisk og spesialpedagogisk praksis

Generell kompetanse

Studenten ...

• kan gjere greie for bruken av ulike testar og kartleggingsprosedyrar i logopediske og pedagogisk-psykologisk praksis
• kan vurdere etiske og faglige dilemma rundt testbruk
• vurdere faglig og klinisk verdi av ulike test og kartleggingsprosedyrar
• kan vurdere forskjellen på formelle testprosedyrar og uformelle kartleggingsprosedyrar

Problembasert læring utgjer ei viktig del av arbeidsforma i kurset, og deltakinga i PBL-grupper er obligatorisk.

Dei mest sentrale emna vert dekkja gjennom temaførelesingar.

Verkstad for innføring i spesifikke kartleggingsprosedyrar. Refleksjonsnotat skal inngå i portefølje.

Praksis, til saman 50 timar:

• Feltkurs, gjennomføring av intervju med ein fagperson i logopedisk eller spesialpedagogisk praksis med fokus på kartleggingsprosedyrar (obligatorisk arbeidskrav).
• Observasjonspraksis (20 timar, med minst 10 timar direkte observasjon av språkdugleik). Utforming av individuell, skriftleg rapport som inngår i portefølje (obligatoriske arbeidskrav).
• Seminar for framlegging av resultat frå verkstad, feltkurs og observasjonspraksis (obligatorisk)

• Deltaking i gruppearbeid og verkstad
• Observasjons- og testprotokoll
• Skriftleg vurdering av ei vanleg kartleggingsprosedyre i pedagogisk-psykologisk klinisk verksemd basert på intervju

Arbeidskrava må vere godkjende for å framstille seg til vurdering i emnet.

Individuell munnleg eksamen med utgangspunkt i porteføljen studenten har levert under obligatoriske aktivitetar

Litteraturlista vil vere klar innan 01.06. for haustsemesteret og 01.12. for vårsemesteret.

Av di kurset er basert på problembasert læring, må studentane også pårekna å sjølve finne fram til og kvalitetsvurdera naudsynt litteratur som kan brukast til å underbyggje løysing av dei aktuelle problema som inngår i kurset gjennom litteratursøk og bruk av biblioteket.

Studierettleiar kan kontaktast her:

mailto:Studierettleiar.psyfa@uib.noStudierettleiar.psyfa@uib.no

Tlf 55 58 27 10