Studiet gir innsyn i to til tre ulike emne som gjeld kultur og samfunn i Latin-Amerika. Kva emne ein vel å fordjupa seg i, vil verta fastlagt av emneansvarleg og vil variera frå år til år.

Studentane skal vinna kunnskap om nokre sentrale tema og problemstillingar i dagens latinamerikanske samfunn og kulturar. Dei skal analysera fagstoff og trekkja eigne slutningar. I tillegg skal dei utvikla evna til å skjøna og bruka moderne spansk munnleg og skriftleg.

 Kunnskap:

Kandidaten

• har innsikt i to til tre aktuelle problemstillingar i dagens latinamerikanske samfunn og kulturar
• har forståing for korleis ulike perspektiv pregar framstillingane av dei latinamerikanske samfunna

Dugleik:

Kandidaten

• kan gjera greie for nokre sentrale trekk og samanhengar i dagens latinamerikanske samfunn og kulturar

Grunnkompetanse:

Kandidaten

• kan analysera fagstoff og trekkja eigne slutningar.
• kan demonstrera kunnskap og evne til fagleg drøfting i mindre skriftlige arbeid på eit klart og korrekt spansk språk.
• kan vidareutvikla sin kunnskap, dugleik og forståing gjennom vidare studium og yrkesliv.

Studentane skal ha ein munnleg presentasjon på 5 minuttar og ein kunnskapstest på 1 time i løpet av semesteret. Begge deler vert gjennomført i samband med undervisninga, og studentane vil tidleg i semesteret få melding om kva datoar som er aktuelle. Vurderingsforma for arbeida er godkjent/ikkje godkjent.

Studentane skal i tillegg møta til ei obligatorisk rettleiing i samband med skrivinga av semesteroppgåva. Rettleiing per e-post/tlf. blir ikkje gitt.

I samsvar med UiB sitt grads- og studiereglement har studentane høve til å få eit nytt forsøk per oppgåve, om ei eller fleire av dei ikkje vart godkjende ved fyrste innlevering. Alle dei obligatoriske arbeidskrava må vera godkjende for å kunna levera semesteroppgåve.

Dei obligatoriske arbeidskrava er gyldige i eitt semester etter undervisningssemesteret.