Kunnskap:

Studenten

• har grundig kunnskap om tysk grammatikk/språkstruktur i ei rekkje sentrale tema (t.d. konjunktiv, preposisjonsbruk, infinittsyntaks og diatese)
• har grunnleggjande kunnskap om lingvistisk fagterminologi
• har god kunnskap om kontrastive problem tysk-norsk
• har grunnleggjande kunnskap om språkutvikling/ språkforhold i dei tyskspråklege landa og språkleg variasjon i tysk.

Dugleik:

Studenten

• kan uttrykke seg på avansert tysk både munnleg og skriftleg
• kan skildre og analysere relativt kompliserte strukturar i det tyske språket
• kjenner til og kan skildre sentrale utviklingstrekk i den tyske språkhistoria på eit grunnleggjande nivå
• kan skildre og analysere språkleg variasjon i tyskspråklege område på eit grunnleggjande nivå

Grunnkompetanse:

Studenten

• er i god stand til på eiga hand å utvide kunnskapen og dugleiken sin i tysk språk (grammatikk) og om språkleg variasjon i det tyskspråklege området
• er godt førebudd på å halde fram tyskstudiet på 200-nivå

• Undervisninga skjer i form av forelesingar/seminar og gruppeundervising som føreset aktiv deltaking frå studentane.
• Tre dobbelttimar forelesing/seminar + ein dobbeltime gruppeundervising
• 12 veker

Det er oppmøteplikt til 75 % av undervisninga.

I løpet av semesteret skal det skrivast 3 øvingsoppgåver i tilknyting til undervisninga som må vere leverte innan innleveringsfristen for den enkelte oppgåva og som må godkjennast av faglærar før studenten kan gå opp til skriftleg eksamen i emnet. Dei 3 øvingsoppgåvene skal skrivast i same semesteret. Arbeidskrava er gyldige i undervisningssemesteret og det følgjande semesteret.