Emnet gir ein introduksjon til petroleumgeovitskap med fokus på utforsking i ein global samanheng. Det blir gitt ei innføring i ulike utforskingstrategiar, og ein går igjennom dei viktigaste typane av geologiske data som blir nytta i utforsking.

Kurset er delt i 4 hovudtema:

• oversikt over petroleumgeovitskap og dei data som blir nytta
• «Subsurface environment» og hovudtypar av data som blir nytta i studiet av undergrunnen
• «play fairway» analyse og element som inngår i omgrepet «petroleum play»
• eksempel på petroleumprovinsar

Studenten vil få bakgrunnkjennskap i teoriar og omgrep gjennom forelesingar, og praktisk erfaring ved å arbeida med geovitskapelege data.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:
Studenten

• kan forklare kva hydrokarbon habitat er og kjenne til dei viktigaste utforskingstrategiane
• kan greie ut om dei forskjellige typane av geovitskapelege data blir nytta i utforsking, korleis dei vert nytta, og deira pålitelegheit
• kjenner til ein eller fleire petroleumprovinsar og kan diskutera kva slag geologiske element som er avgjerande for at desse er ein økonomisk suksess eller fiasko

Ferdigheiter:
Studenten kan

• forklare omgrepet «petroleum play», og greie ut om kva slag elementar som inngår (dvs kjeldebergartar, reservoarbergartar, forseglande bergartar, og hydrokarbongenerering relativ til felletypar som er til stades)
• beskrive og tolke relativt enkle datasett frå brønnar i eit felt og gjere ei geologisk vurdering av feltet, og foreta ei berekning av petroleumreservane

Generell kompetanse
Studenten kan

• nytta eit geologisk fagspråk til å beskrive og diskutere geovitskapelege problemstillingar relatert til petroleumutforsking
• arbeide i gruppe med tolking av subsurface dataset

Forelesingar: 1- 2 timar pr. veke i 13 veker

Øvingar: 1 - 2 timar pr. veke i 12 veker som dekker fylgjende tema: «play fairway» øving, log tolking/formasjonevaluering, seismisk tolking, ´Taminga´integrerte øvingar, og hydrokarbon provins case study.

Fortlaupande tilbakemelding på innleverte øvingar