Mål

Emnet gjev ei innføring i dei mest sentrale emna i meteorologi, oseanografi og klima med vekt på ei kvalitativ forklaring av dei fysiske prosessane.

Innhald

Emnet gjennomgår fysiske og kjemiske eigenskapar ved atmosfæren og havet og korleis dei påverkar kvarandre. Emnet gjev vidare ei innføring i kva krefter som er årsak til sirkulasjonen i havet og atmosfæren og ein gjennomgang av globale vêrsystem og havstraumar. Studentane vil få ei innføring i dei viktigaste energiformene og korleis energi vert transportert i luft og vatn. Viktige prosessar som til dømes danning av skyer og nedbør, tidevatn og bølgjefenomen vert gjennomgått. Grunnleggjande variasjonar og endringar i klima på ulike tidsskalaer vert og gjennomgått. Utvalde laboratorieeksperiment vil verte nytta for å illustrere sentrale prosessar for rørsla til luft og vatn på ei roterande jord.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

- har grunnleggjande kunnskap om den kjemiske og fysiske samansetjinga til atmosfæren og havet.

- har grunnleggjande kunnskap om energiformer og transport av energi i hav og luft

- har kjennskap til den hydrologiske syklusen og faseovergangane til vatn

- kjenner til prinsippa for tidevatn og ulike bølgjefenomen.

- kan gjengi grunnleggjande prinsipp for danninga av sirkulasjon i atmosfæren og havet.

- kjenner til sentrale vêrsystem og havstraumar på jorda

- har oversikt over storskala klimavariasjonar på ulik tidsskala

- kjenner til ulike typar luftforureining

Ferdigheiter

Studenten

- kan forstå og nytte grunnleggjande fagterminologi og uttrykksformer

- kan finne, vurdere og vise til vitskapeleg informasjon

- kan formidle grunnleggjande fagstoff

- kan framstille vitskapleg informasjon skriftleg slik at det belyser ei problemstilling

- utfører enkle utrekningar, til dømes av temperaturgradienten i atmosfæren eller av energibudsjettet for jorda

Generell kompetanse

Studenten

- har innsikt i fagets relevans for samfunnet

- har evne til refleksjon og kritisk tenking omkring faglege spørsmål

- kan planlegge og gjennomføre vitskapleg informasjonsinnhenting

Undervisninga blir gitt i form av 4 timar førelesing og 2 timer med kollokvier per veke.

Her inngår opplæring i bruk av biblioteksressursar og innføring i bruk av digitale verktøy som brukast i vêrvarsling.