Emner: MEVIX100 Examen facultatum - Introduksjon til media og kommunikasjon - Vår 2018

Undervisningssemester

Haust

Mål og innhald

Dette emnet introduserer medievitskap som eit fagfelt i skjæringspunktet mellom samfunnsfag og humanistiske fag. Få samfunnsområde er urørt av mediene si formidling, dei spelar ei viktig rolle i daglegliv, samfunnsliv og arbeidsliv. I emnet får du innføring i medievitskaplege perspektiv, med vekt på korleis samfunnsvitskaplege og humanistiske tenkjemåtar kan brukast på aktuelle medievitskaplege problemstillingar. Emnet introduserer medievitskapen ved å ta føre seg aktuelle spørsmål om medias rolle i samfunnet, populærkultur, identitet, sosiale medier, eller medier og makt, og vise korleis samfunnsvitskaplege og humanistiske tenkjemåtar kan nyttast for å forstå desse spørsmåla. Emnet gjev ei innføring i akademisk skriving og praktisk trening i dette. Undervisninga er til dels workshop-basert og kan omfatte praktiske øvingar. Emnet er sterkt tilrådd i første semester på bachelorgraden i medievitskap.

Læringsutbyte

Studenten skal ved avslutta emne ha følgjande læringsutbyte definert i kunnskapar og ferdigheiter:

Kunnskapar

Kandidaten

har kunnskap om modellar og perspektiv på forholdet mellom avsendarar, medietekstar og mottakarar i ein kommunikasjonsprosess.
har kunnskap om medievitskapen si plassering mellom humaniora og samfunnsvitskap, samt kunnskap om samfunnsvitskaplege og humanistiske teoriar og fagtradisjonar
har grunnleggjande kunnskap om sentrale samfunnsvitskaplege tema og problemstillingar
har kunnskap om akademisk skriving, med spesielt fokus på oppgåveoppsett og referanseteknikk

Ferdigheiter

Kandidaten

kan bruka sentrale medievitskaplege teoriar og omgrep
kan bruka samfunnsvitskaplege og humanistiske perspektiv på medievitskaplege problemstillingar
kan skriva akademiske tekstar og brukar relevante referanseteknikkar

Krav til forkunnskapar

Ingen

Tilrådde forkunnskapar

Ingen

Studiepoengsreduksjon

MEVI100 (10 sp)
EXFAC00AS (5 sp)
SV100 (5 sp)

Krav til studierett

Ope for alle med studierett ved Universitetet i Bergen. Studentar på bachelorprogram i medievitskap vert prioritert.

Arbeids- og undervisningsformer

Undervisninga vert organisert i form av førelesingar, seminar og workshops.

Obligatorisk undervisningsaktivitet

Deltaking i seminargrupper/workshops og godkjente seminaroppgåver. Seminaroppgåvene kan være både skriftlege eller munnlege, og kan romme praktiske øvingar i medieproduksjon eller formidling. Godkjente arbeidskrav er gyldige i undervisningssemesteret og påfølgende semester.

Vurderingsformer

Mappevurdering. Mappa skal bestå av eit lengre arbeid som tel halvparten av karakteren, og to mindre arbeid som kvart tel ein fjerdedel av karakteren. Dei to mindre arbeida vil normalt vere reviderte versjonar av seminaroppgåver studentane har fått tilbakemeldingar på. Det større arbeidet vil normalt vere ei analyse- eller drøftingsoppgåve på om lag 4000 ord, som vert fullført mot slutten av semesteret. Alle innleveringar er individuelle.

Karakterskala

A-F

Vurderingssemester

Haust

Emneevaluering

Emnet evaluerast av studentane kvart 3.år, av faglærer kvart år.

Institutt

Institutt for informasjons- og medievitskap