Bachelor
Haust
Mål og innhald
Mål:
Emnet har som mål å gi studentane kunnskap om likskapar og skilnadar mellom dei nordiske språka (dansk, færøysk, islandsk, norsk og svensk), om språklege tilhøve og språksamarbeid i Norden.
Innhald:
Emnet har tre hovudtema:
(1) språkforhold og språkpolitikk i og mellom dei nordiske landa
(2) grammatisk samanlikning av språka og grunnleggjande kunnskap om uttale, òg knytt til norrønt språk
(3) tekstlesing og omsetjing
Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:
Kunnskap
Studenten
- har kunnskap om språkforhold og språkpolitikk i dei nordiske landa og om nordisk språksamarbeid
- har kunnskap om grammatiske likskapar og skilnadar mellom dei nordiske språka og tilhøvet til norrønt
- har grunnleggjande kunnskap om uttale av språka
Ferdigheiter
Studenten
- kan bruke dei nemnde kunnskapane i praktiske oppgåver med språkleg materiale, mellom anna omsetje kjend tekst til norsk og kommentere sentrale grammatiske trekk i teksten skriv korrekt og god nynorsk
Generell kompetanse
Studenten
- kan utveksle synspunkt om og vurderingar av språk og språksamarbeid i Norden
Emnet er ope for alle med studierett ved Universitetet i Bergen
Undervisningsformene er førelesingar og oppgåveseminar.
Førelesingar: ca. 16 timar.
Oppgåveseminar: ca. 16 timar, der faglærar vil vere til stades om lag halve tida. Her arbeider studentane med oppgåver i tilknyting til undervisningsstoffet.
Førelesingar og oppgåveseminar kan vere fletta saman, slik at dei ikkje nødvendigvis er skilde i timeplanen.
Om det melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mitt UiB. På emne der dette kan verte aktuelt, vil studentane få informasjon om det ved semesterstart og før semesterregistreringsfristen 1. september.
På emnet nyttar ein skriftleg skuleeksamen på 4 timar.
Eksamenen har minst to deloppgåver.
Eksamenen skal skrivast på nynorsk.
I samsvar med nasjonale retningslinjer vert det lagt vekt på korrekt og god språkbruk.
Karakterskala A - F.
Pensumet er på ca. 350 sider av normal vanskegrad og vert fastsett av den emneansvarlege i samråd med andre vitskapleg tilsette i nordisk språk.
Litteraturlista vil vere klar innan 1. juni.
Evaluering blir gjennomført i tråd med Universitetet i Bergen sitt kvalitetssikringssystem.
Institutt for lingvistiske, litterære og estetiske studium