Etter fullført emne: Studentane

• har tileigna seg det kyrilliske alfabetet, også i handskrift, og eit elementært vokabular.
• har kunnskapar om hovudlinene i russisk uttale og grammatikk.
• har basiskunnskapar om russiske realia.
• kan lesa, forstå, omsetja og gjera greie for innhaldet i enkle, adapterte tekstar munnleg.
• kan føra enkle samtalar på russisk.
• kan gjera greie for grunnleggjande fenomen i russisk grammatikk og visa at han/ho også meistrar desse i praksis, både munnleg og skriftleg.
• er godt budde til vidare studium i russisk.

RUS100 gjev ikkje berre grunnlag for vidare studium i russisk, men kan også koma til nytte i ei rekkje andre studium, yrke og yrkeskombinasjonar.

For studentar som ikkje kan dokumentera kunnskapar tilsvarande RUS100 eller har greidd den fagdiagnostiske testen som blir arrangert i byrjinga av kvart semester, er RUS100 eit obligatorisk emne for å kunna ta vidare studium innan russisk bachelor (RUS111, RUS112, RUS113, 114, RUS211 og RUS252).

Ein avsluttande skriftleg skuleeksamen på 4 timar, samt munnleg eksamen.

Ved samanrekning til samla karakter for dei to eksamensdelane tel den skriftlege skuleeksamen 70 % og den munnlege 30 %. Begge delar må vera greidde i same semester.