Haust

Studentane skal utvikle ei inngåande forståing av og dugleik i bruk av ulike kvalitative tilnærmingar i empirisk sosiologisk arbeid. Det vert lagt vekt på utvikling av forståinga for heile forskingsprosessen frå problemstilling til analyse. Emnet gir også studentane ei forståing av kva som er mogleg med omsyn til kombinasjon av ulike kvalitative metodiske tilnærmingar, og etiske problemstillingar i kvalitativ forsking.

Emnet gir ei innføring i kvalitative tilnærmingar og kvalitativ forskingstradisjon. Studentane gjennomfører eit avgrensa kvalitativt forskingsprosjekt, og arbeider med utvikling av problemstillingar og produksjon av ulike former for kvalitative data, til dømes gjennom arbeid med dokument, feltarbeid og intervju. Vidare arbeider dei med analyse av slike data. Det blir lagt vekt på grunngjevinga for og kva som er mogleg i ulike kvalitative tilnærmingar gjennom heile forskingsprosessen. Dette vert drøfta med utgangspunkt i konkrete forskingsdøme og arbeidet til studentane under kurset.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Etter gjennomført emne har kandidaten

• inngåande kunnskap om ulike tilnærmingar og metodar i kvalitativ forsking
• inngåande kunnskap om argument for og føremonar til val av ulike kvalitative tilnærmingar og metodar ved ulike forskingsopplegg
• inngåande kjennskap til kvalitativ forsking si historie og metodologiske grunnlag
• inngåande kunnskap om etiske problemstillingar som kan vera knytt til kvalitativ forsking

Ferdigheter

Etter gjennomført emne kan kandidaten

• drøfte sentrale problem og prinsipielle utfordringar og moglegheiter ved bruk av ulike kvalitative tilnærmingar og metodar
• utforme og gjennomføre ei sjølvstendig kvalitativ studie under rettleiing og i tråd med gjeldande forskingsetiske normer; frå utvikling av problemstilling(ar), produksjon av data, analyse av kvalitative data til formidling av forskinga
• kombinere ulike kvalitative metodiske tilnærmingar

Generell kompetanse

Etter avslutta emne kan kandidaten

• vurdere og anvende kvalitative metodar og tilnærmingar i forskings- og utviklingsarbeid i høve til ulike forskingsspørsmål og tema

studieveileder@sos.uib.no