Fulltid

Om du vil ta heile eller delar av studiet som eit 50% deltidsstudium, kan du vende deg til studierettleiar.

Engelsk er eit av dei mest brukte språka i verda. Det engelske språket har i dag ei sterk og dominerande stilling på mange område, t.d. i media og kulturlivet, i teknologi, utdanning og forsking, samt i næringslivet og i internasjonale relasjonar. Engelsk er òg det viktigaste framandspråket i den norske skulen, og står sterkt i norsk næringsliv.

I tillegg til arbeid med fagstoffet tek studiet sikte på å utvikle både den analytiske evna til studentane og evna til å kommunisere best mogleg på engelsk. Her står seminarundervisning sentralt.

Emna på 200-nivå tek sikte på å øve opp ei kritisk og sjølvstendig haldning gjennom større konsentrasjon og fordjuping enn det som er mogleg i den meir oversynsprega innføringa på 100-nivå. Dette skjer mellom anna gjennom studium av utvalde emne i dei tre studiedisiplinane engelsk lingvistikk, engelskspråkleg litteratur og engelskspråkleg kultur. I tillegg til krava om større teoretisk innsikt og betre kunnskapar i faget, blir òg krava til språkferdigheiter større.

Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:

Kunnskapar

Kandidaten

• har grunnleggjande kunnskap om:

- engelsk lingvistikk (fonetikk/fonologi og grammatikk)

- engelsk som globalt språk

- variantar av engelsk

- engelsk språkhistorie

- moderne engelsk lingvistikk

• har eit omgrepsapparat som gjer han/henne i stand til å skildre sentrale aspekt ved det engelske språksystemet og teoretiske aspekt knytt til det engelske språket
• har grunnleggjande kunnskap om engelskspråkleg (hovudsakleg britisk og amerikansk) litteratur
• har grunnleggjande kunnskap om kultur og samfunnstilhøve i Storbritannia, USA og andre engelsktalande land
• har kjennskap til- og forståing av hovudsjangrane innanfor engelskspråkleg litteratur gjennom eit utval av litterære verk frå ulike periodar og engelskspråklege land, samt kjennskap til litteraturvitskapleg terminologi og til ulike tradisjonar innan litteratur- og kulturstudium

Ferdigheiter

Kandidaten

• kan bruke sin kunnskap om engelsk lingvistikk til å analysere språkleg materiale
• kan analysere ulike typar engelskspråklege litterære tekstar og er i stand til å reflektere teoretisk over dei
• kan forstå og samanlikne dei ulike kulturelle og samfunnsmessige trekka i engelskspråklige land
• kan kommunisere på akademisk munnleg og skriftleg engelsk

Generell kompetanse

Kandidaten

• har innsikt i relevante faglege problemstillingar om lingvistikk, litteratur og kultur
• kan formidle og problematisere sentralt fagstoff
• kjenner til nyskaping og nytenking om lingvistikk, litteratur og kultur
• er gjennom arbeidet med BA-oppgåva i stand til å organisere eit mindre forskingsprosjekt og bruke metode og teori som høyrer til den disiplinen kandidaten arbeider innanfor.

Det er sterkt tilrådd å ta desse emna første semester:

- EXPHIL Examen philosophicum (10 stp.)

- EXFAC00SK Språk og kommunikasjon (10 stp.)

- ENG100 (10 stp.)

For nokre studentar, til dømes studentar som allereie har tatt eitt eller fleire av desse emna, kan det vere ønskjeleg å byte det ut med eit anna emne. I slike høve er det viktig å ta kontakt med studierettleiar.

EXPHIL Examen philosophicum (10 stp) (H)
EXFAC Examen facultatum (10 stp) (H)
ENG114 Engelsk grammatikk I (10 stp) (V)
ENG115 Engelsk fonetikk og fonologi (5 stp) (V)
ENG125 Britisk litteratur og kultur (15 stp) (V)
ENG107 Engelsk grammatikk II (5 stp) (H)
ENG118 Utvalt emne i engelsk språkstruktur og/eller bruk (5 stp) (H)
ENG119 Utvalt emne i engelsk språkvariasjon (5 stp) (H)
ENG122 Amerikansk litteratur og kultur (15 stp) (H)

Vel éin spesialisering
Spesialisering i lingvistikk alternativ 1 (30 stp) (V)
Spesialisering i lingvistikk alternativ 2 (30 stp) (V)
Spesialisering i litteratur/kultur alternativ 1 (30 stp) (V)
Spesialisering i litteratur/kultur alternativ 2 (30 stp) (V)

Spesialiseringa i engelsk omfattar sju emne på 100-nivå og tre emne på 200-nivå, der studentane vel to emne i spesialiseringsdisiplinen (lingvistikk eller litteratur/kultur) og eitt emne i den andre disiplinen.

ENG114 Engelsk grammatikk I (10 stp)
ENG115 Engelsk fonetikk og fonologi (5 stp)
ENG125 Britisk litteratur og kultur (15 stp)
ENG107 Engelsk grammatikk II (5 stp)
ENG118 Utvalt emne i engelsk språkstruktur og/eller bruk (5 stp)
ENG119 Utvalt emne i engelsk språkvariasjon (5 stp)
ENG122 Amerikansk litteratur og kultur (15 stp)

Spesialisering i lingvistikk alternativ 1:
ENG221 Engelsk lingvistikk: språkhistorie (10stp)
ENG263 Semesteroppgåve i engelsk lingvistikk: moderne lingvistikk (10 stp)
Vel eitt av emna
ENG222 Engelskspråkleg litteratur og kultur (10 stp)
ENG224 Engelskspråkleg litteratur og kultur (10 stp)

Spesialisering i lingvistikk alternativ 2:
ENG223 Engelsk lingvistikk: moderne lingvistikk (10stp)
ENG261 Semesteroppgåve i engelsk lingvistikk: språkhistorie (10stp)
Vel eitt av emna
ENG222 Engelskspråkleg litteratur og kultur (10 stp)
ENG224 Engelskspråkleg litteratur og kultur (10stp)

Spesialisering i litteratur/kultur alternativ 1:
ENG222 Engelskspråkleg litteratur og kultur (10 stp)
ENG264 Semesteroppgåve i engelskspråkleg litteratur og kultur (10 stp)
Vel eitt av emna
ENG221 Engelsk lingvistikk: språkhistorie (10stp)
ENG223 Engelsk lingvistikk: moderne lingvistikk (10stp)

Spesialisering i litteratur/kultur alternativ 2:
ENG224 Engelskspråkleg litteratur og kultur (10 stp)
ENG262 Semesteroppgåve i engelskspråkleg litteratur og kultur (10 stp)
Vel eitt av emna
ENG221 Engelsk lingvistikk: språkhistorie (10stp)
ENG223 Engelsk lingvistikk: moderne lingvistikk (10stp)

For å oppnå spesialisering i engelsk på bachelornivå, kan førehandsgodkjente heiltidsstudium i utlandet kome i staden for obligatoriske spesialiseringsemne i engelsk.

I tillegg til ex.phil., ex.fac. og spesialiseringa inneheld programmet 70 frie studiepoeng. Merk at introduksjonsemnet blir rekna med i dei frie studiepoenga.

I dei frie studiepoenga kan studenten velje emne som er relevante for studenten si vidare utdanning eller yrkesplanar. Ta gjerne kontakt med studierettleiar om tilrådde valemne.

Døme på rekkjefølgje for emne i studiet:

1. semester (H):

Ex.phil., ex.fac. og ENG100 (30 stp)

2. semester (V):

ENG114 Engelsk grammatikk I (10 stp)

ENG115 Engelsk fonetikk og fonologi (5 stp)

ENG125 Britisk litteratur og kultur (15 stp)

3. semester (H):

ENG107 Engelsk grammatikk II (5 stp)

ENG118 Utvalt emne i engelsk språkstruktur og/eller bruk (5 stp)

ENG119 Utvalt emne i engelsk språkvariasjon (5 stp)

ENG122 Amerikansk litteratur og kultur (15 stp)

4. semester (V):
Spesialisering i lingvistikk alternativ 1:
ENG221 Engelsk lingvistikk: språkhistorie (10stp)
ENG263 Semesteroppgåve i engelsk lingvistikk: moderne lingvistikk (10 stp)
Vel eitt av emna
ENG222 Engelskspråkleg litteratur og kultur (10 stp)
ENG224 Engelskspråkleg litteratur og kultur (10 stp)

Spesialisering i lingvistikk alternativ 2:
ENG223 Engelsk lingvistikk: moderne lingvistikk (10stp)
ENG261 Semesteroppgåve i engelsk lingvistikk: språkhistorie (10stp)
Vel eitt av emna
ENG222 Engelskspråkleg litteratur og kultur (10 stp)
ENG224 Engelskspråkleg litteratur og kultur (10stp)

Spesialisering i litteratur/kultur alternativ 1:
ENG222 Engelskspråkleg litteratur og kultur (10 stp)
ENG264 Semesteroppgåve i engelskspråkleg litteratur og kultur (10 stp)
Vel eitt av emna
ENG221 Engelsk lingvistikk: språkhistorie (10stp)
ENG223 Engelsk lingvistikk: moderne lingvistikk (10stp)

Spesialisering i litteratur/kultur alternativ 2:
ENG224 Engelskspråkleg litteratur og kultur (10 stp)
ENG262 Semesteroppgåve i engelskspråkleg litteratur og kultur (10 stp)
Vel eitt av emna
ENG221 Engelsk lingvistikk: språkhistorie (10stp)
ENG223 Engelsk lingvistikk: moderne lingvistikk (10stp)

5. semester (H):

Frie studiepoeng/utveksling (30 stp)

6. semester (V):

Frie studiepoeng/utveksling (30 stp)

Det er sterkt tilrådd og tilrettelagt for at studentane tek delar av programmet som utvekslingsstudent i eit anna land, anten for å ta delar av spesialiseringa eller for å ta valemne. Tilrådde utvekslingsstader finn ein på nettsida til studieprogrammet.

Ein kan òg velje frå Universitetet i Bergen sine avtaler med studiestader i heile verda. All informasjon om utveksling finn ein på www.uib.no/utveksling.

For studentar på 100-nivået arrangerer instituttet kvart år studieopphald ved Det norske studiesenteret i Storbritannia (University of York). Opplysningar om studiesenteret og om andre aktuelle kurstilbod kan ein få ved å vende seg til instituttet.

Det er mogleg å skifte ut emna på 200-nivået med kurs ved ein utanlandsk lærestad. Nærare opplysningar om dette kan ein få ved å vende seg til instituttet.

Gjennom ulike undervisingsformer får studentane moglegheit til å studere og nærme seg faget på ulike måtar. Undervisninga er forskingsbasert og føreset aktiv deltaking frå studentane.

Arbeidsmetodar og undervisingsformer kan vere førelesingar, seminar, gruppearbeid, skriftlege og munnlege presentasjonar, omgreps- og problemfokuserte oppgåver, problembasert læring, rettleiing og praktisk bruk av digitale verktøy.

For nærare informasjon, sjå dei einskilde emneplanane.

Gjennom studiet møter studentane ulike vurderingsformer. Til dømes skriftleg skuleeksamen, rettleidd oppgåve, heimeeksamen, munnleg presentasjon, munnleg prøve og mappevurdering.

Vurderingsformene er tilpassa læringsutbytet i dei ulike emna.

For nærare informasjon om vurderingsformer, sjå dei einskilde emneplanane.

Ved sensur av emna i programmet kan det bli nytta ein av to karakterskalaer:

1) A-F, der F er stryk

2) Bestått/ikkje bestått

Sjå emneplanen for det einskilde emnet.

Med eit karaktersnitt på C i spesialiseringa kvalifiserer programmet for opptak til masterprogram i engelsk ved UiB.

Engelsk kan vere ein del av spesialiseringa i bachelorprogramma Kjønnsstudium og Integrert lektorutdanning.

Studentar som planlegg å ta PPU, må syte for å få dekka opptakskrava i løpet av studiet sitt. Informasjon finn ein på www.uib.no/studieprogram/PRAPED

Ta gjerne kontakt med studierettleiar på programmet dersom du har spørsmål: Studierettleiar@if.uib.no

Tlf 55 58 22 98

Litteraturliste finn ein på det einskilde emnet si nettside. Litteraturlista skal være klar innan 01.06. for haustsemesteret, og innan 01.12. for vårsemesteret.

NB: Merk at det ikkje finst litteraturlister til alle emne - i nokre emne skal studentane til dømes sjølv velje litteratur i samråd med lærar eller rettleiar.