Fulltid

Om du vil ta heile eller delar av studiet som eit 50% deltidsstudium, må du levere formell søknad til instituttet. Les meir om dette i http://www.uib.no/hf/22765/rutinar-masterstudiet-ved-hfRutinar for masterstudiet ved HF.

Italiensk masterstudium vil normalt vera eit 4 semesters fulltidsstudium som representerer ei fagleg fordjuping bygd på italiensk frå bachelorstudiet. Masterstudiet femner om fire emne (ITAL301-302 + 304 + valemne) på til saman 60 stp og ei masteroppgåve (ITAL350) på 60 stp.

Masterstudiet i italiensk skal gje høve til spesialisering i språkvitskapleg eller litteraturvitskapleg lei. Spesialiseringa skal tuftast på eit breitt og inngåande oversyn over dei viktigaste fagdisiplinane og har som føresetnad at den munnlege og skriftlege dugleiken i italiensk språk stendig vert utvida med basis i kjennskap til den italienske kulturen i notid og fortid.

Kandidaten skal ved avslutta program ha følgjande læringsutbyte definert i kunnskapar, ferdigheiter og generell kompetanse:

Etter fullført studium:

Kunnskapar:

Kandidaten

• har brei generell kunnskap innanfor faget og djupnekunnskapar innanfor eit avgrensa område
• har grunnleggjande kunnskap om dei sentrale problemstillingane og metodane innanfor fagområdet
• kjenner normene for akademisk skriving

Ferdigheiter:

Kandidaten

• kan arbeide sjølvstendig og langsiktig med problemløysing på grunnlag av faglege kunnskapar
• kan setje seg inn i og vurdere kritisk teoriar, metodar og tolkingar innanfor fagområdet
• kan skaffe seg og nytte kunnskap på nye områder innanfor faget
• kan gjennomføre eit avgrensa forskings- eller utviklingsprosjekt i tråd med gjeldande forskingsetiske normer

Generell kompetanse:

Kandidaten

• kan bruke IKT-verktøy som er naudsynte for å gjennomføre eit sjølvstendig arbeid innanfor fagområdet
• har kompetanse til å sjølvstendig kunne halde fram med eiga kompetanseutvikling og spesialisering
• kan uttrykkje på italiensk faglege problemstillingar, analysar og konklusjonar innanfor eige fagområde
• kjenner til relevante kommunikative sjangrar
• kan ta del i den offentlege debatten der denne vedrører fagområdet

Grunnlaget for opptak til masterstudiet er bachelorgrad med spesialisering i italiensk, med snittkarakter C eller betre på dei emna som inngår i spesialiseringa. 

Studentar som ønskjer å søkje opptak til masterprogrammet på anna grunnlag, blir oppmoda til å søkje om godkjenning innan 1.mars for opptak i haustsemesteret. Søknaden må innehalde karakterutskrift/vitnemål, pensumliste og emneskildringar for dei emna søkjaren meiner skal koma i staden for ei ordinær spesialisering. Godkjenninga må leggjast ved søknaden til masterprogrammet. Sjå den enkelte studieprogramsida for meir informasjon og fristar.

ITAL301/Italiensk språkhistorie og språkleg variasjon (H, 15 stp),

ITAL302/Italiensk tekstudium og litteraturteori (H, 15 stp)

ITAL304/Italiensk teoriemne (V, 15 stp)

ITAL350/ Italiensk masteroppgåve (60 stp)

Studentane vel i tillegg valemne på til saman 15 stp, sjå nærare spesifikasjonar under «Tilrådde valemne».

• ALLV201 Allmenn litteraturvitskap Litteraturteoretisk særemne (V, H, 15 stp)
• LING311 Metode for språklege mastergrader (V, 10 stp)
• DASP307 Språkvitenskapleg skriving for master- og PhD-studenter (V, 5 stp)
• LINGMET Vitskapsteori og metode for språklege mastergrader (V, 15 stp)
• eller eit anna godkjend valemne som blir tilbode ved UiB eller ved eit anna universitet

Tilrådd rekkjefølgje for emne i studiet:

1. semester (haust)

• ITAL301/Italiensk språkhistorie og språkleg variasjon omsetjing (15 stp),
• ITAL302/Italiensk litteratur: Tekststudium og teori

Italiensk tekstudium og litteraturteori (15 stp)

2. semester (vår)

• ITAL303/Fordjuping i språk eller litteratur (15 stp), vår
• ITAL304/Italiensk teoriemne (15 stp)
• Godkjend valemne i språk eller litteratur (15 stp) (sjå «tilrådde valemne»)

3. semester (haust)

• ITAL350/ Italiensk masteroppgåve (60 stp)

4. semester (vår)

• ITAL350/ Italiensk masteroppgåve (60 stp)

Alle emna i kursdelen (totalt 60 stp) må være fullførte før innlevering av masteroppgåva.

Emna ITAL303 og ITAL304 byggjer på emna ITAL301 og ITAL302.

Student og rettleiar må teikna rettleiingskontrakt seinast i løpet av det andre semesteret i masterstudiet.

Det er sterkt tilrådd og tilrettelagt for at studentane tar delar av programmet som utvekslingsstudent i eit anna land.

Tilrådde utvekslingsstader finn ein på nettsida til studieprogrammet www.uib.no/studieprogram/MAHF-ITAL.

Ein kan òg velje frå Universitetet i Bergen sine avtaler med studiestader i heile verda. All informasjon om utveksling finn ein på http://www.uib.no/utvekslingwww.uib.no/utveksling.

Studentane kan reise på utveksling og ta valemne og/eller ITAL304 i utlandet. Det er òg høve til å reise på feltarbeid i samband med masteroppgåva.

Gjennom ulike undervisingsformer får studentane høve til å studere og nærme seg faget på ulike måtar. Undervisninga er forskingsbasert og føreset aktiv deltaking frå studentane. 

Arbeidsmetodar og undervisingsformer kan vere førelesingar, seminar, gruppearbeid, skriftlege og munnlege presentasjonar, omgreps- og problemfokuserte oppgåver, problembasert læring, rettleiing og praktisk bruk av digitale verktøy.

For nærare informasjon, sjå dei einskilde emneplanane.

Gjennom studiet møter studentane ulike vurderingsformer. Til dømes skriftleg skuleeksamen, rettleidd oppgåve,  heimeeksamen, munnleg presentasjon, munnleg prøve og mappevurdering.

Vurderingsformene er tilpassa læringsutbyttet i dei ulike emna.

For nærare informasjon om vurderingsformer, sjå dei einskilde emneplanane.

Ved sensur av emna i programmet kan det bli nytta ein av to karakterskalaer:

1) A-F, der F er stryk

2) Greidd/ikkje greidd

Sjå emneplanen for det einskilde emnet.

Fullført masterprogram med gode resultat kvalifiserer til å søkje om opptak på doktorgradsstudium i relevante fag.

Studentar som planlegg å ta PPU, må sørge for å få dekka opptakskrava i løpet av studieløpet sitt. Informasjon finn ein på www.uib.no/studieprogram/PRAPED

Italiensk masterstudium vil normalt vere eit 4 semesters fulltidsstudium som representerer ei fagleg fordjuping bygd på italiensk frå bachelorstudiet. Masterstudiet femner om fire emne (ITAL301-304) på til saman 60 sp. og ei masteroppgåve (ITAL350) på 60 sp.

Masterstudiet i italiensk skal gje høve til spesialisering i språkvitskapleg eller litteraturvitskapleg lei. Spesialiseringa skal tuftast på eit breitt og inngåande oversyn over dei viktigaste fagdisiplinane og har som føresetnad at den munnlege og skriftlege dugleiken i italiensk språk stendig vert utvida med basis i kjennskap til den italienske kulturen i notid og fortid.

Masterprogrammet byggjer normalt på avslutta treårig bachelorgrad med godkjend spesialisering (fordjuping) i italiensk (60 studiepoeng på 100-nivå, 30 studiepoeng på 200-nivå) eller liknande utdanning. Dersom du har studert ved ein lærestad som har krav om minimum 80 studiepoeng med spesialisering (fordjuping), vil dette bli akseptert som opptaksgrunnlag.

Studentar som ønskjer å søkje opptak til masterprogram i italiensk på anna grunnlag enn det som er oppgitt å vere godkjent spesialisering i faget (sjå studieplanen for italiensk), må søkje om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjas ved søknaden til masterprogrammet.

Masterprogrammet i italiensk skal gi innsikt i sentral lingvistisk og litteraturvitskapleg metode. I masteroppgåva vel du å spesialisere seg i språk, litteratur eller kultur, og emnet for oppgåva vil vere avgjerande for metoden du nyttar deg av.

Masteroppgåva skal vere eit vitskapleg prega arbeid som du utfører under rettleiing. Omfanget av oppgåva, som skal skrivast på italiensk, vil normalt variere mellom 70 og 110 sider. Temaet for oppgåva, som skal fastsetjast i samråd med rettleiar, kan vere henta frå italiensk lingvistikk eller litteraturvitskap. Det kan også vere av samanliknande karakter eller ha eit tverrfagleg preg. Dersom tilfredsstillande rettleiing blir gitt, vil også kulturvitskaplege masteroppgåver kunne godkjennast. Du har rett til individuell rettleiing på grunnlag av rettleiingskontrakt.

Italiensk masterstudium vil normalt vera eit 4 semesters fulltidsstudium som byggjer på ei fagleg fordjuping i italiensk på 90 stp frå bachelorstudiet. Masterstudiet femner om ein kursdel på til saman 60 stp og ei masteroppgåve på 60 stp. Mykje av undervisninga kan verta gjeven i form av individuell rettleiing.

Emna ITAL301 og ITAL302 er i første semester, ITAL303 og ITAL304 i andre semester. ITAL303 har status som valemne og kan altså òg hentast frå andre fag eller andre institusjonar i inn- eller utland etter eit opplegg som i kvart einskilt høve må godkjennast av seksjonen.
Arbeidet med masteroppgåva (ITAL350) utgjer normalt det andre året i masterstudiet, men i samråd med rettleiar bør studenten byrja å planleggja oppgåva allereie i kursdelen av studiet. Når emnet for oppgåva er fastsett, gjerne i første semester, skal student og rettleiar teikna rettleiingskontrakt.

Litteraturliste finn ein på det einskilde emnet si nettside. Litteraturlista skal være klar innan 01.06 for haustsemesteret, og innan 01.12 for vårsemesteret.

NB: Merk at det ikkje finst litteraturlister til alle emne i nokre emne skal studentane til dømes sjølv velje litteratur i samråd med lærar eller rettleiar.

Eit masterprogram i italiensk kan sjå slik ut:

1. semester:
ITAL301 Italiensk språkhistorie og omsetjing, 15 stp
ITAL302 Italiensk litteraturhistorie og tekststudium, 15 stp

2. semester
ITAL303 Italiensk valemne, 15 stp
ITAL304 Italiensk teoriemne, 15 stp

3. og 4. semester
ITAL350 Masteroppgåve, 60 stp