Kandidaten skal ved avslutta program ha følgjande læringsutbyte definert i kunnskapar, dugleikar og generell kompetanse:

KUNNSKAPAR

Kandidaten

• har brei, generell kunnskap om sentrale teoriar, omgrep og metodar innanfor tysk som forskingsfag
• har grunnleggjande kunnskap om dei sentrale problemstillingane og metodane i den valte disiplinen og djubdekunnskapar innanfor eit avgrensa område
• har kjennskap til og kan bruke relevante kommunikative genrar

DUGLEIKAR

Kandidaten

• kan utarbeide og presentere eit prosjekt på tysk (skriftleg og munnleg)
• kan reflektere over språklege nyansar mellom norsk og tysk og nyttiggjere seg det i munnleg og skriftleg bruk av tysk
• kan bruke eit presist språk- og litteraturvitskapleg omgrepsapparat på ulike teksttypar og problemstillingar i eige forskingsarbeid
• kan uttrykkja seg presist om faglege problemstillingar, analysar, tolkingar og konklusjonar innanfor eige fagområde
• kan arbeide sjølvstendig og langsiktig med problemløysing på grunnlag av tileigna faglege kunnskapar
• kan setje seg inn i og kritisk vurdere bruk av teoriar, metodar og tolkingar innanfor eige fagområde
• kan skaffe seg og nytta kunnskap på nye område innanfor faget

GENERELL KOMPETANSE

Kandidaten

• kan finne fram til relevante kjelder og bibliografiar både på nettet og i oppslagsverk og bruke dei kritisk i eige arbeid
• kan gjennomføre eit avgrensa forskings- eller utviklingsprosjekt under rettleiing og i tråd med gjeldande forskingsetiske normer
• kan bruke dei metodar og analyseverktøy som er naudsynte for å gjennomføre eit sjølvstendig forskingsarbeid innanfor eige fagområde
• kan halde fram med eiga kompetanseutvikling og spesialisering
• kan ta del i den offentlege debatten der denne rører ved fagområdet.

Emna TYS307, TYS311, TYS308, TSAK318 eller TSAK319 og TYS350

TSAK319 Masteremne i tysk språkvitskap 15 sp om UiB har emneansvar. Om NTNU har emneansvar heiter emnet TYSK3600 Moderne tysk språkvitenskap. Semester: Haust. Anbefalt for studentar som skriv språkleg masteroppgåve.
TSAK318 Masteremne i tyskspråkleg litteratur 15 sp om UiB har emneansvar. Om NTNU har emneansvar heiter emnet TYSK3700 Felles seminaremne i tyskspråklig litteratur. Semester: Haust. Anbefalt for studentar som skriv masteroppgåve i litteratur.

Fullstendig oversikt over innhaldet i emna finn ein under emneomtalane.

Masterprogrammet i tysk er eit fulltidsstudium over fire semester. Det består av ein kursdel på 60 studiepoeng og ei masteroppgåve på 60 studiepoeng. I kursdelen inngår emna TYS307 og TSAK318/TYSK3700 eller TSAK319/TYSK3600 (i første semester) og emna TYS311 og TYS308 (i andre semester).

Eit masterprogram i tysk kan sjå slik ut:

1. semester:

TYS307 Tysk språk- og litteraturvitskap

TSAK319 Masteremne i tysk språkvitskap/ TYSK3600 Moderne tysk språkvitenskap

eller

TSAK318 Masteremne i tyskspråkleg litteratur/ TYSK3700 Felles seminaremne i tyskspråklig litteratur

2. semester:

TYS311 Moderne tysk språk og litteratur

TYS308 Litteratur, interpretasjon og omsetjing

3. og 4. semester:

Masteroppgåve

Masteroppgåva er ei prøve på vitskapleg arbeid innanfor språk, litteratur eller fagdidaktikk. Oppgåva skal vise at du er godt orientert i forskinga på det området du har valt og er i stand til å behandle ei problemstilling på ein vitskapleg måte. Du bør orientere deg mot eit emne for masteroppgåva så tidleg som mogleg i studiet. Du får rettleiing under arbeidet med oppgåva og skal normalt underskrive ein rettleiingskontrakt i byrjinga av det andre semesteret. Masteroppgåva skal skrivast på tysk og vere mellom 70 og 110 sider.

Kvart emne blir avslutta med ein eksamen. Dei eksamensformene som blir nytta, er gjort greie for under kvart emne.

Masterstudiet blir avslutta med ein munnleg eksamen om masteroppgåva.

Ved sensur av emna i programmet kan det bli nytta ein av to karakterskalaer:

1) A-F, der F er stryk

2) Greidd/ikkje greidd

Sjå planane for dei einskilde emna.

Institutt for framandspråk

Epost: studierettleiar@if.uib.no.

Du søkjer opptak til Det humanistiske fakultet. Søknadsfristen er 1. juni for studiestart i august. Meir informasjon om opptak og søknadsprosedyrar finn du på http://link.uib.no/?1QO0l

Mastergradsstudiet i tysk skal gi grundig innsikt i tysk språk og tyskspråkleg litteratur. Ein legg samstundes stor vekt på å auke studentane sin dugleik i bruken av moderne tysk, både gjennom eit eige tilbod i praktisk tysk og gjennom arbeid med varierte skriftlege og munnlege oppgåver i samband med pensum i alle emna. I løpet av studiet skal studentane utvikle evne til kritisk refleksjon omkring sentrale teoretiske og metodiske problemstillingar innanfor den delen av faget dei spesialiserer seg i. Dette er særleg viktig med omsyn til arbeidet med masteroppgåva.

Emneoversikt
TYS311 Moderne tysk språk, litteratur og kultur, 15 sp, Semester: Haust. Obligatorisk: Ja
TSAK319: Masteremne i tysk språkvitskap, 15 sp, Semester: Haust. Obligatorisk: Ja, for studentar som skriv masteroppgåve i språk
TSAK318: Felles seminaremne i tyskspråkleg litteratur,15 sp. Semester: Haust. Obligatorisk: Ja, for studentar som skriv masteroppgåve i litteratur
TYS314 Seminaremne II i tysk språk,15 sp. Semester: Vår. Valfri
TYS315 Seminaremne II i tyskspråkleg litteratur, 15 sp. Semester: Vår. Valfri
TYS316 Seminaremne i tysk språkvitskap, 15 sp. Semester: Vår. Valfri
TYS317 Seminaremne i tysk litteraturvitskap, 15 sp. Semester: Vår. Valfri

Fullstendig oversikt over innhaldet i emna finn ein under emneomtalane.

Masterprogrammet i tysk byggjer normalt på bachelorgrad med spesialisering i tysk på minst 90 studiepoeng eller ei tilsvarande utdanning.

Instituttet har eigne fordjupingskurs i litteratur- og språkvitskapleg teori og metode, der ulike spesialfelt er representerte. Fordjupingskursa skal gi ein solid basis for det påfølgjande arbeidet med masteroppgåva.

Masteroppgåva er ei prøve på vitskapleg arbeid innanfor språk eller litteratur. Oppgåva skal vise at du er godt orientert i forskinga på det området du har valt og er i stand til å behandle ei problemstilling på ein vitskapleg måte. Du bør orientere deg mot eit emne for masteroppgåva så tidleg som mogleg i studiet. Du får rettleiing under arbeidet med oppgåva og skal normalt underskrive ein rettleiingskontrakt i byrjinga av det andre semesteret. Masteroppgåva skal skrivast på tysk og vere mellom 70 og 110 sider.

Masterprogrammet i tysk er eit fulltidsstudium over fire semester. Det består av ein kursdel på 60 studiepoeng og ei masteroppgåve på 60 studiepoeng. I kursdelen inngår ein basisdel i språk og litteratur (1. semester) og ein spesialdel i anten språk eller litteratur (2. semester). Det blir tilrådd at du vel slik at spesialdel og tema for masteroppgåva ligg innan same hovuddisiplin.

Eit masterprogram i tysk kan sjå slik ut:

1. semester:
TYS311 Moderne tysk språk, litteratur og kultur
TSAK319 Masteremne i tysk språkvitskap eller
TSAK318 Felles seminaremne i tyskspråkleg litteratur

2. semester:
TYS314 Seminaremne II i tysk språk eller TYS315 Seminaremne II i tyskspråkleg litteratur
TYS316 Seminaremne i tysk språkvitskap eller TYS317 Seminaremne i tysk litteraturvitskap

3. og 4. semester:
Masteroppgåve

Litteraturlister finn ein på Mitt UiB

Listene for det komande semesteret er klare innan 01.06. / 01.12. 

Den normale studieprogresjonen for studentar med oppstart i haustsemesteret er slik:

1. semester: TYS311 og TSAK319 eller TSAK318

2. semester: TYS314 eller TYS315 og TYS316 eller TYS317

3. semester: Masteroppgåve

4. semester: Masteroppgåve