Studieprogram: MASV-MIX Masterprogram i medie- og interaksjonsdesign - Vår 2019
Namn på grad
Master i medie- og interaksjonsdesign
Omfang og studiepoeng
120 studiepoeng
Fulltid/deltid
Fulltid
Undervisningsspråk
Norsk
Studiestart - semester
Haust
Mål og innhald
Mens tradisjonelle media distribuerer, kringkastar eller gjer tilgjengeleg informasjon og redaksjonelt innhald som gjer det mogleg for opplyste borgarar å delta i den offentlege debatt, er det i dag ein økt førespurnad etter nye tekniske løysingar, nye format for publikumsdeltaking og brukargenerert innhald, og som en konsekvens blir nye verdiar knytt til produkt, applikasjonar og system. Dei vil appellere til brukaranes kjensler og opplevingar, og kan innrettast på ei rekkje publikumsgrupper.
Masterprogram i medie- og interaksjonsdesign handlar om å laga teknologiske løysingar som hjelper mediebrukarar til å forstå og samhandle med innhald og teknologi. Studentane skal lære å utvikle nye tekniske og innhaldsmessige løysingar for mediebruk og som støttar arbeidspraksisar i mediebransjen. Masterprogram i medie- og interaksjonsdesign gjev studentane ei bransjenær utdanning, som gjer dei i stand til å konstruere prototypar på nye medium, og evaluere brukaropplevingane til mediebrukarar og profesjonelle, og på denne måten utvikle effektive og engasjerande løysingar, inklusiv multiplattform-løysingar, mellom brukarar og media.
Studentane vil få moglegheita til å utforske etablerte så vel som innovative medieteknologiar og sjangrar, og vil få erfaring med ulike designmetodar knytt til nye media. Masterprogrammet er ei tverrfagleg utdanning basert på human-computer interaction (HCI), brukaroppleving- og publikumsstudiar, og eksperimentell utprøving av prototypar (mediedesign). Programmet vil gje studentane praktiske, analytiske, metodologiske og teoretiske ferdigheitar innafor interaksjonsdesign for digitale media.
Masterprogram medie- og interaksjonsdesign er eit teoretisk og metodisk forankra universitetsstudium som legg vekt på problembasert læring gjennom idéworkshops, teknisk opplæring, samarbeid i grupper, sjølvstendige studiar og akademisk refleksjon knytt til eigen og andre si praksis. Opptak er basert på ein bachelorgrad i medie- og interaksjonsdesign eller tilsvarande. Ytterlegare spesialisering skjer gjennom individuelt og kollaborativt arbeid knytt til masterprosjektet. Masterprosjektet er ein prototype, innhaldsproduksjon eller brukarstudie som blir akademisk evaluert gjennom ei individuelle eller gruppebasert masteroppgåve. Undervisninga er lokalisert i Media City Bergen.
Læringsutbyte
Kandidaten skal ved avslutta program ha følgjande læringsutbyte definert i kunnskapar, dugleikar og generell kompetanse:
Kunnskap
Kandidaten
- har avansert kunnskap innan interaksjonsdesign og spesialisert innsikt innan interaksjonsdesign for mediefeltet.
- har inngåande kunnskap om teoriar og metodar innan interaksjonsdesign, med særleg forkus på mediefeltet.
- kan analysere brukarmønster og kva mediebrukarar og praktikare treng når dei samhandlar med medieteknologi og -innhald.
- kan analysere praktiske og teoretiske problemstillingar knytt til media og medieteknologiens rolle i samfunnet.
- ha spesialisert kunnskap innan eitt av områda programmering, evaluering, interaksjonsdesign, eller innhaldsdesign.
- kan utvikle programvare for interaktive medieløysningar.
Dugleikar
Kandidaten
- kan skape og produsere ulike typar tekstleg, audiovisuelt og interaktivt medieinnhald på ein sjølvstendig måte.
- kan i tråd med teori og praksis i interaksjondesign utføre brukarstudiar for å evaluere interaksjonsløysingar for media på ein sjølvstendig måte.
- kan utvikle løysingar i tråd med teori og praksis frå informasjonsvitskap på ein sjølvstendig måte.
- kan analysere og kritisk vurdere korleis interaksjonsdesign virkar inn på brukarane si oppleving av media, og på bakgrunn av dette formulere faglege resonnement.
- kan analysere og evaluere etiske og juridiske aspekt knytt til interaksjonsdesign for media, med særleg fokus på opphavsrett, patentrett og designrett.
- kan planleggje og gjennomføre sjølvstendige teambaserte prosjekt knytt til prototypeutvikling for nytt medieinnhald og nye interaksjonsløysingar i media under rettleiing i tråd med teori og praksis frå interaksjonsdesign.
- kan kritisk reflektere over eigen designpraksis og foreslå alternative tilnærmingar, og kritisk vurdere eiget og andre sitt arbeid innan HCI, interaksjonsdesign og design for media.
Generell kompetanse
Kandidaten
- kan kritisk analysere interaksjon, medieteknologi og ulike typar tekstleg, audiovisuelt og interaktivt medieinnhald
- kan utføre uavhengig arbeid og samarbeide i team med oppgåver knytt til utvikling og utføring av prosjekt innan medieproduksjon
- raskt omstille seg til nye utfordringar og tileigne seg ny profesjonell kunnskap, og nytte denne kunnskapen i uavhengig og kreativt arbeid knytt til design av brukaroppleving for media
- kan kommunisere om faglege problemstillingar innan interaksjonsdesign
Opptakskrav
For å kvalifisere til opptak til masterprogrammet i medie- og interaksjonsdesign må søkjarar ha ein bachelorgrad eller tilsvarande grad (til dømes cand.mag.) innan nye medier eller interaksjonsdesign.
Søkjarar må ha minimum C som gjennomsnittskarakter i den faglege fordjupinga som utgjer grunnlaget for å bli vurdert til opptak.
Søkjarar med bachelorgrad i informasjonsvitskap kvalifiserer til opptak dersom dei har tatt INFO262 Interaction Design eller tilsvarande emne. Søkjarar med ein bachelorgrad innan fagområda media, informasjon eller kommunikasjon, kvalifiserer til opptak dersom dei har tatt INFO132 Grunnkurs i programmering, INFO134 Klientprogrammering og INFO262 Interaction Design, eller emne med tilsvarande innhald. Søkjarar med utdanning frå andre institusjonar enn UiB, må levere emnebeskrivingar av dei relevante emna i bachelorgraden.
Masterprogram i medie- og interaksjonsdesign blir i hovudsak undervist på norsk. Utanlandske søkjarar må derfor legge ved http://www.uib.no/svf/38987/opptak-til-masterstudium-ved-det-samfunnsvitenskapelige-fakultet#spr-kkravdokumentasjon på tilstrekkelege språkferdigheiter.
Obligatoriske emne
- MIX301 Medieteknologi: teori og utvikling (15 sp)
- INFO361 Advaned Topics in Human-Computer Interaction (15 sp)
- MIX302 Prosjektdesign og feltstudiar (30 sp)
- MIX350 Masterprosjekt i medie- og interaksjonsdesign (60 sp)
Rekkefølgje for emne i studiet
- 1.semester: http://www.uib.no/nb/emne/MIX301MIX301 Medieteknologi: teori og utvikling (15 sp) og INFO361 Advaned Topics in Human-Computer Interaction (15 sp)
- 2.semester: MIX302 Prosjektdesign og feltstudiar (30 sp)
- 3. og 4. semester: MIX350 Masterprosjekt i medie- og interaksjonsdesign (60 sp)
Arbeids- og undervisningsformer
Undervisingsmetodane inkluderer seminar, workshops, individuell og gruppevis rettleiing, og praktisk arbeid (dvs. gruppearbeid, labarbeid, og utplassering hos eit medieselskap), kombinert med tilbakemelding på skriftleg og praktisk arbeid gjennom heile utdanninga. Deler av praksisarbeidet blir organisert i eit samband mellom studentar og verksemder i mediebransjen.
Undervisningsmetodar
Undervisingsmetodane inkluderer seminar, workshops, individuell og gruppevis rettleiing, og praktisk arbeid (dvs. gruppearbeid, labarbeid, og utplassering hos eit medieselskap), kombinert med tilbakemelding på skriftleg og praktisk arbeid gjennom heile utdanninga. Deler av praksisarbeidet blir organisert i eit samband mellom studentar og verksemder i mediebransjen.
Vurderingsformer
Masterprogram i medie- og interaksjonsdesign vurderer studentane gjennom ei prosjektskildring, praktiske produksjonar, mappevurdering, og ei akademisk masteroppgåve og tilhøyrande forsvar av denne. Kollaborativt praksisarbeid blir vurdert på bakgrunn av individuelle refleksjonsoppgåver.
Karakterskala
Karakterar ved Universitetet i Bergen blir gitte anten
- som 'Bestått' eller 'Ikkje bestått', eller
- som ein bokstav etter skalaen A, B, C, D, E, F, der F er stryk.
Bokstavkarakterar er mest utbreidde
Vitnemål og vitnemålstillegg
Vitnemål blir skrive ut etter at graden er fullført.
Grunnlag for vidare studium
Programmet kvalifiserer til PhD-studiar innan medieproduksjon, interaksjonsdesign, medievitskap, informasjonsvitskap og andre relaterte felt.
Relevans for arbeidsliv
Utdanninga sitt fokus på kombinasjonen mellom tradisjonelle og digitale media sikrar at studentane er godt førebua for ulike profesjonelle situasjonar og arbeidsoppgåver innan medie- og informasjonsbransjane, frå innhaldsproduksjon til teknisk arbeid.
Ein mastergrad i medie- og interaksjonsdesign gjer studentane kvalifisert til ein profesjon som interaksjonsdesignerar eller designarar for brukaroppleving (UX), med særleg kompetanse innan media og teknologi. Studentane er òg kvalifisert til jobbar innan kvalitetssikring, webdesign, front-end-utvikling, digital marknadsføring og konsulentarbeid knytt til digitale media. Ein mastergrad i medie- og interaksjonsdesign kvalifiserer òg til forsking og undervising innan digitale media, medieproduksjon, interaksjonsdesign og design for brukaroppleving (UX).
Evaluering
Masterprogrammet blir kontinuerlig evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no
Kvart emne vert evaluert av studentane kvart 3.år, av faglærer kvart år.
Programmet vert evaluert av ekstern programsensor over ein fireårsperiode.
Programansvarleg
Institutt for informasjons- og medievitskap
Programrådet har ansvar for fagleg innhald og oppbygging av studiet og for kvaliteten på studieprogrammet.
Administrativt ansvarleg
Det samfunnsvitenskapelige fakultet v/ Institutt for informasjons- og medievitenskap har det administrative ansvaret for emnet og studieprogrammet.
Kontaktinformasjon
studierettleiar.praktiskinfomedia@uib.no