Innhaldet i emnet gjenspeilar mangfoldet og tverrfaglegheiten ein finn i nevrovitskap. Ei rekkje av seminarar og laboratoriedemonstrasjoner vil gje deltakaren innsyn i cellulær nevrofysiologi, nevrokjemi og molekylær nevrovitskap, og i tillegg gje eit oversyn over strukturen, funksjonen og dysfunksjonen til sentralnervesystemet.

Studentane vil få kunnskap om naudsynte intellektuelle verktøy for å kunne forstå og verdsette kompleksiteten ein finn i nervesystemet på eit molekylært og cellulært nivå.

Emnet er utforma som eit introduksjonskurs på masternivå. Det forventas at studentane har ei bachelorgrad i biologisk eller naturvitskapleg retning, men forkunnskapar i nevrovitskap er ikkje naudsynt.

Tema inkluderar: nevronar som eksitable celler, synaptisk overføring, neurotransmittersystemar, molekylær og cellulær føresetnad for åtferd, kjensle, minne og søvn, sansesystemar og funksjonell anatomi, og avbilding av nervesystemet.

Etter fullført emne kan studenten:

Kunnskapar

• Vise inngåande kunnskap om nervesystemets struktur og funksjon på celle og systemnivå
• Identifisere og beskrive de molekylære og cellulære eigenskapar hos nevroner som gir opphav til deira evne til å kommunisere via elektriske og kjemiske signalar
• Forstå dei viktigaste neurotransmittersystemar og reseptorar i nervesystemet
• Kritisk vurdere vanlege metodar i nevrovitskap og forstå teorien bak desse teknikkane

Ferdigheiter

Utvikle hypotesar og kristisk analysera metodar og resultat innan nevrobiologi

Generell kompetanse

• Tolke og diskutere funn relatert til vitskaplege eksperiment og litteratur innan nevrovitskap
• Formidle og drøfte integrasjonen av molekylære, cellulære og biofysiske prosessar, som bidreg til at nevronar og nevrale systemar ansvarlege for oppførsel, kan fungere
• Anvende teoriar om molekylær og cellulær nevrovitskap til eksperimentelle undersøkingar

Omkring 32 timar seminar over ei periode på omkring 8-10 veker.

4 laboratoriedemonstrasjonar.

Vurderinga i emnet er todelt:

• 4 timar skuleeksamen (70%)
• Innlevering av laboratorierapportar (30%)

Du må bestå begge delane for å bestå emnet.

Institutt for biomedisin

studie@biomed.uib.no

Emneansvarleg:

Margaret Veruki: http://www.uib.no/personer/Margaret.Veruki