Mål:

Emnet har som mål å gi studentane ei vidare innføring i fagfeltet engelsk fagdidaktikk.

Innhald:

Studiet tar opp tema som språk, tekst, kultur, kompetanse og danning, tilrettelegging for læring.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten

• har innsikt i språk, tekst og sjanger, og kan sjå desse i eit kulturperspektiv
• har innsikt i engelsk som danningsfag og ferdigheitsfag
• har innsikt i grunnleggjande ferdigheiter og læringsprosessar i engelskfaget

Ferdigheiter:

Studenten

• kan lage undervisningsopplegg der arbeidsformer og innhald er knytt til grunnleggjande forståing og innsikt i læringsprosessar i engelskfaget
• kan beskrive kjenneteikn på kompetanse i engelskfaget

Generell kompetanse:

Studenten

• kan uttrykkje seg munnleg og skriftleg på engelsk innan fagfeltet

I emnet nyttar ein følgjande vurderingsformer:

• Heimeeksamen på sju dagar med oppgitt emne.

Lengda på heimeeksamen er ca. 2500 ord, og den vert skriven på engelsk. Nærare retningsliner for heimeeksamen vert gitt i studiet.

Studentar som har studieopphald i utlandet dette semesteret skal ta kompatible fagdidaktikkeiningar ved institusjonen dei oppheld seg ved.