Mål 

Emnet har som mål å gi teoretiske og empiriske føresetnader for å gjennomføre regionale analysar av utviklings- og omstillingsprosessar.

Innhald

Emnet tar opp tema om regional utvikling med særlig vekt på norske tilhøve. Eksempel på tema er teoriar om region og regional utvikling, befolkning og busetnad, stadsidentitet, flytting og pendling, planlegging og næringsutvikling lokalt og regionalt i Noreg. Gjennom feltkursoppgåva skal studenten kunne demonstrere bruken av relevant teori og metode på eit empirisk materiale. Feltkurset er organisert i form av obligatoriske aktivitetar med forelesingar, rettleiing, feltførebuingar og skriving av feltrapport.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

• kan gjere greie for sentrale teoriar og emne som er relevante i studiar av regional utvikling i Noreg.
• kan forklare dei prosessane som særleg påverkar utviklinga lokalt og regionalt.
• kan gjere greie for prosessar knytt til økonomisk utvikling og omstilling, regionalisering, stadstilknyting, demografi, mobilitet og regionale innovasjonssystem .

Ferdigheiter

Studenten

• kan planlegge og gjennomføre datainnsamling og analyse i eitt mindre forskingsprosjekt knytt til gruppearbeid
• kan meistre grunnleggjande akademisk skrive- og referansetreknikk, feltrapportering og munnleg framlegging

Generell kompetanse

Studenten

• kan arbeide i gruppe
• kan nytte kunnskapen i regionale undersøkingar og analyser
• kan nytte kunnskapen i arbeidsoppgåver som er relevante for føretaksvedtak, plananalyser, arbeid med regionale utviklingsstrategiar, undervisning og forsking.

• GEO122 (15 ECTS) gir 10 sp poengreduksjon.
• GEOG122 gir 10 sp poengreduksjon.
• GEO123 gir 10 sp i poengreduksjon
• GEO151 gir 5 sp i poengreduksjon

1-2 forelesingar á 2 timer pr. veke.

Totalt 10 - 14 forelesingar.

1 halvdagsseminar

1 seminar á 2 timer pr. veke.

Totalt 4-6 seminar (teoridelen)

Gruppearbeid med rettleiing, presentasjon og feltstudie (feltdelen)

Feltkurs 2-3 dagar

• Informasjonsmøtet er obligatorisk.
• Deltaking i all feltførebuande undervisning og øvingar (plan blir publisert på Mitt UiB).
• Deltaking på feltkurs.
• Studentane vel litteratur til oppgåva (utanom pensum) i omfang 150-200 sider i samråd med faglærar.

Obligatoriske arbeidskrav er gyldige i fire semester etter godkjenninga.

Vurdering i emnet har to delar:

• Gruppevis feltrapport (50%)
• Skuleeksamen 5 timer (50%)

Alle vurderingsdelar må vere bestått i same semester. Delkarakterar og samla karakter blir publisert i Studentweb.

Institutt for geografi

Studieveileder@geog.uib.no