Masteroppgåva skal vere ei vitskapleg avhandling som bygger på eit sjølvstendig studium av historiske kjelder og/eller historisk litteratur.

Gjennom forskingspraksis skal masteroppgåva gi studentane djupare innsikt i teori og metode innafor historieforskinga. Det skal og gi studentane ei meir sjølvstendig haldning til historiske framstillingar og historisk kjeldemateriale i tillegg til innføring i sjølvstendig vitskapleg arbeid. Studentane skal sjølve bruke fagets teori, metodar, teknikkar og forskingsetikk i løysinga av historiske problem.

Undervisninga er organisert i masterseminar inndelt etter hovudtema og historiske periodar.

http://www.uib.no/fag/historie/25365/masterseminar-i-historieTrykk her for meir informasjon masterseminarene

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• er ein fagekspert innan sitt forskingsfelt.
• har ein brei empirisk kunnskapsbase.
• har innsikt i fagtradisjonar, forskingsetiske problemstillingar samt ei solid forståing av metodar og teoriar som analytiske verktøy.

Ferdigheiter

Studenten

• er kompetent i utøving av forskingsarbeid på ein sjølvstendig måte.
• kan etablere problemstillingar som kan leie til ny historisk kunnskap innan eit valt forskingsfelt.
• har studenten ferdigheiter i kartlegging og evaluering av kjelder og litteratur, og basert på dette kan studenten ekstrahere, systematisere og analysere informasjonstilfanget.
• har både praktisk og prinsipiell forståing av historisk metode, kan gjennomføre kritisk analyse av tekst og kjelder, dokumentere eigne slutningar og posisjonere eige bidrag i forhold til etablert kunnskap på det gjeldande forskingsfeltet.
• kan formidle forskingsarbeid på ein kyndig og forståeleg måte i skriftleg form.

Generell kompetanse

Studenten

• demonstrerer sin kompetanse til å utøve historisk forsking og formidling i samsvar med faget sine grunnleggande normer og metodar som akademisk disiplin.
• er kvalifisert til å handtere, vurdere og analysere komplekse saksbilete, syntetisere relevant informasjon samt å grunngje eigne slutningar.
• viser evne til å problematisere og reflektere kring omgrep, kunnskap, teori og metode.
• har kompetanse i fagleg diskusjon og kommunikasjon både skriftleg og munnleg.

Alle studentar som er tekne opp til mastergradsstudiet ved institutt for AHKR, har rett til individuell rettleiing i arbeidet med masteroppgåva. Rettleiinga er regulert gjennom ei individuell rettleiingsavtale.

Undervisninga er organisert i masterseminar inndelt etter hovudtema og historiske periodar. Studenten vel relevant masterseminar i samråd med rettleiar. På masterseminara skal studentane delta jamleg med framlegging og diskusjon av oppgåvetekstar.

• Masteroppgåve
• Munnleg prøve

Masteroppgåva skal leverast elektronisk via StudentWeb. Oppgåva skal vere instituttet i hende innan 1. februar eller 15. mai i vårsemesteret og innan 20. november i haustsemesteret. Ved fastsetjing av karakteren vil det bli nytta ein gradert karakterskala frå A til F. Etter at karakteren på masteroppgåva er fastsett, må studentane framstille seg til den munnlege prøven der masteroppgåva blir diskutert. Den munnlege prøven justerar karakteren på masteroppgåva

Studierettleiar kan kontaktast her:mailto:studierettleiar@ahkr.uib.no

mailto:studierettleiar@ahkr.uib.nostudierettleiar@ahkr.uib.no

Tlf 555 82300