Haust og vår 

Studentane skal gjennom kurset tileigne seg grunnleggjande kunnskap og øving innan samfunnsvitskapleg metode. Siktemålet er å gi studentane forståing for vitskaplege arbeidsmåtar som grunnlag for vidare arbeid med faget, samt å gi dei innsikt i konkrete forskingsteknikkar og korleis desse blir nytta i praksis.

Kurset gir ei generell innføring i samfunnsvitskaplege metodar, med vekt på ulike opplegg for innsamling og analyse av forskjellige typar data. I kurset vert m.a. casestudiar, komparativ metode, regresjonsanalyse og innhaldsanalyse, gjennomgått.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap
Studenten kan

• gjere greie for etiske problemstillingar i samfunnsvitskapeleg forsking
• definere grunnleggjande omgrep i samfunnsvitskapeleg metode
• gjere greie for ulike typar kjelder og data
• gjere greie for eksperimentelle metodar, komparativ metode og case-studiar

Ferdigheiter
Studenten kan

• innarbeide etiske problemstillingar i eigne arbeid innanfor samfunnsvitskaplege disiplinar
• organisere og presentere ulike datatypar for analysar
• diskutere og grunngje metodeval ut frå ulike problemstillingar
• gjennomføre kvalitative intervju, kvalitative tekstanalysar, tabellanalyse, korrelasjonsanalyse og regresjonsanalyse
• skrive rapportar frå vitskapelege undersøkingar

Generell kompetanse
Studenten kan

• evaluere og kritisere samfunnsvitskapelege analysar
• skrive faglege tekstar basert på prinsippa for akademisk skriving og god kjeldebruk

Førelesingar, seminar, kollokviegrupper og laboratoriearbeid i PC-stover.

Talet på førelesingstimar: rundt 36

Talet på seminar/kollokvietimar: 20-24

Innlevering av fire øvingsoppgåver, to i kvalitative og to i kvantitative metodar. Oppgåvene er obligatoriske og skal være godkjent før studenten kan framstille seg til eksamen i emnet.

Godkjente obligatoriske arbeidskrav er gyldig i det aktuelle eksamenssemesteret samt dei to påfølgande eksamenssemestra.

Seks timers skriftleg eksamen

studieveileder@isp.uib.no/ studieveileder@aorg.uib.no/ studieveileder@sos.uib.no

Emnet er eit samarbeid mellom Institutt for administrasjon og organisasjonsvitskap, Institutt for samanliknande politikk og Sosiologisk institutt.