Kandidaten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Kandidaten

• har kunnskap om kommunikasjon, samhandling og læring på arbeidsplassen
• har kunnskap om etiske utfordringar knytt til profesjonelt skjønn
• har kunnskap om mangfaldet i kunnskapsgrunnlaget for lærarprofesjonen
• har kunnskap om nasjonale og internasjonale former for ansvarleggjering av lærarar og skular

Ferdigheiter

Kandidaten

• kan identifisere og analysere problemstillingar knytt til kommunikasjon, samhandling og læring på arbeidsplassen
• kan problematisere og ta stilling til etiske utfordringar ved hjelp av profesjonelt skjønn
• kan ta i bruk og bidra til mangfaldet i lærarprofesjonen sitt kunnskapsgrunnlag og delta aktivt i kvalitetsutvikling av skulen som organisasjon
• kan bidra inn i faglege diskusjonar om utøving av lærarprofesjonen
• kan arbeide med problemløysing, opne oppgåver, forsøk, modellering og vurdering

Generell kompetanse

Kandidaten

• kan med stor grad av sjølvstende identifisere, problematisere, vidareutvikle og kommunisere kunnskap innafor eigen organsisasjon og profesjon
• kan orientere seg i faglitteratur, analysere og halde seg kritisk til informasjonskjelder og eksisterande teoriar
• kan med stor grad av sjølvstende vidareutvikle eigen kompetanse individuelt og i samarbeid med andre
• kan konstruktivt og kritisk bidra til kvalitetsutvikling av skulen som organisasjon

Undervisninga er lagt opp etter ein integrert modell med samarbeid mellom pedagogikk og didaktikk i undervisning, oppgåver, rettleiing, praksis og eksamen. Undervisninga blir organisert som ei blanding av nettbaserte studier og tre samlingar. Samlingane føregår på kveldstid og helg (laurdagar). I samlingane møter studentane førelesingar og seminarundervisning i mindre grupper. Emnet har også videoførelesingar som studentane kan nytte seg av mellom samlingane. Desse blir gjort tilgjengelege for studentane på nett. Studentane har tilbod om til saman 4 timar individuell rettleiing av didaktikar og pedagog.

Emnet har 10 dagar praksis som skal gjennomførast i løpet av 4 veker:

• Praksis føregår i vidaregåande skule i grupper, par eller individuelt
• Praksis skal fortrinnvis gjennomførast i matematikk og naturfag, men andre realfag kan også vere aktuelle
• Ein praksisdag er definert som 6 skuletimar (á 45 minutter). Dette inkluderer forarbeid, undervisning/observasjon og rettleiing, samt møteaktivitetar ved skulen

Praksis er tilpassa og fleksibel slik at skule og student i fellesskap blir einige om når praksis blir gjennomført innafor den gitte praksisperioden.

• Obligatorisk frammøte (100%) og deltaking på samlingar og i praksis
• Gjennomføring av obligatoriske oppgåver med fire innleveringer av utkast til eksamensmappe
• Deltaking i responsgrupper med to skriftlege fagfellevurderingar

• Skriftleg mappeeksamen med to tekstar og eit refleksjonsnotat på til saman 5000 ord +/- 10%. Refleksjonsnotatet skal vere på 500-700 ord og omfatte refleksjonar over eigen lærings- og danningsprosess frå starten av studiet fram til ei oppfatning av kven ein er som lærar ved utgongen av studiet. Dei to andre tekstane skal ta utgangspunkt i eiga praksiserfaring der ein av tekstane kan omhandla tema frå tidlegare emne medan den andre må hente tema frå avsluttande emne. Tekstane skal ha om lag like stort omfang
• Praksis blir evaluert ved praksisskulen og av pedagogar og didaktikarar på praksisbesøk

Studierettleiar kan kontaktast her:

Studierettleiar@psyfa.uib.no

Tlf. 55 58 27 10