Mål og innhald:

Emnet har som mål at studenten skal få kjennskap til systematisk religionsvitskap. Systematisk religionsvitskap drøfter religionshistoriske problemstillingar på tvers av enkeltreligionar. Studenten skal skrive ei samanliknande oppgåve basert på ei problemstilling, som kombinerer teoretiske spørsmål og kjelder (empiri) frå forskjellige religiøse tradisjonar.

RELVI250 er ein obligatorisk del av spesialiseringa i religionsvitskap.

Studenten skal ved avslutta emne ha følgjande læringsutbyte definert i kunnskap, ferdigheiter og generell kompetanse:

Kunnskapar:

Studenten

• har kjennskap til sosialvitskaplige forståingar av religion
• har kunnskap om sentrale omgrep innafor religionsforsking
• har kjennskap til fagets viktigaste oppslagsverk, leiande tidsskrift og andre forskingsresursar

Ferdigheiter:

Studenten

• kan behandle religiøse fenomen på ein systematisk og kritisk måte
• kan vurdere likskapar og ulikskapar i religiøse fenomen på tvers av fleire religionar
• kan kombinere teoretisk innsikt og empirisk kunnskap
• kan søkje, behandle og vurdere informasjon kritisk

Generell kompetanse:

Studenten

• kan planlegge og gjennomføre arbeidsoppgåver om nye tema
• kan utføre prosjektbasert arbeid
• kan arbeide både sjølvstendig og som deltakar i ei gruppe
• kan behandle store mengder informasjon og litteratur innafor avgrensa tid
• kan skrive ei oppgåve i tråd med akademisk kjeldebruk og referanseteknikkar

Emnet har følgjande obligatoriske undervisningsaktivitetar:

• Presentasjon av prosjekt på eit symposium som vert arrangert 5-7 veker før innlevering. Nærare opplysningar om symposiet og krav til presentasjonane vert kunngjorde på Mitt UiB minst ein månad i forkant.
• Minst ei rettleing på bacheloroppgåva

Obligatoriske undervisningsaktivitetar vert vurdert til godkjent/ikkje godkjent.

Godkjenninga av obligatoriske undervisningsaktivitetar er gyldig i undervisningssemesteret og to påfølgjande semester.

I emnet nyttar ein følgjande vurderingsformer:

Eksamen består av to deler; ein breiddetest og ei bacheloroppgåve.

• Del 1: Breddetest: Tre timar breiddetest (skriftleg skuleeksamen) arrangert midtveis i semesteret. Informasjon om tidspunkt for breddetesten blir kunngjort på Mitt UiB. Breiddetesten består av spørsmål knytt til ulike delar av fellespensum. På kvart spørsmål er det mogleg å få 0, 1/2 eller 1 poeng, og for å få bestått denne delen av testen må kandidaten ha klart minst 50 % av den totale poengsummen.
• Del 2: Bacheloroppgåve: Bacheloroppgåva skal på ein komparativ måte kaste lys over eit grunnleggjande religionshistorisk/religionsvitskapleg problem, fenomen eller omgrep. Bacheloroppgåva skal ha eit omfang på 5000-7000 ord.

Eksamensdel 1, breddetesten, tel 20% av den totale karakteren i vurderinga, og eksamensdel 2, bacheloroppgåva, tel 80% av den totale karakteren i vurderinga.

Begge eksamensdeler må vere avlagt og bestått i eit og same undervisningssemester.

Obligatoriske arbeidskrav må vere gyldige for å få vurdert eksamen.

Litteraturlista omfattar om lag 1200 sider, der om lag 800 sider er sjølvvalde i samband med bacheloroppgåva og om lag 400 sider er fellespensum utarbeidd av instituttet. Undervisning og breiddetesten baserer seg på denne litteraturen.

Litteraturlista vil vere tilgjengeleg på uib.no 1. desember for vårsemesteret

Studierettleiar: studierettleiar@ahkr.uib.no

Eksamensadministrasjon: eksamen@ahkr.uib.no