Vår 

Emnet går første gang våren 2019

Emnet gjer eit allsidig teoretisk og praktisk og kurs i russisk språk. Emnet har som mål å gje oversikt over russisk lydlære, formlære og syntaks og øve studentane opp i dugleik i skriftleg og munnleg russisk. Kurset skal danne eit grunnlag og vekkje interesse for vidare utforsking og bruk av russisk språk.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap
Studenten

• har kunnskapar og dugleik i teoretisk russisk grammatikk med hovudvekt på morfologi og syntaks
• har fått ei innføring i nokre av dei meir avanserte emne i grammatikken som aspekt, passiv og partisipp
• har utdjupa innsikt i det russiske lydsystemet
• har eit større og meir aktivt ordforråd i russisk
• har utvida kunnskapar om russisk kultur

Ferdigheiter og generell kompetanse
Studenten

• har auka dugleik i praktisk russisk grammatikk og språkbruk
• har øving i å omsetje tekstutdrag, munnleg og skriftleg, frå russisk til norsk
• er i stand til å omsetje enkle tekstar frå norsk til russisk og skrive korte sjølvstendige tekstar på russisk
• kan nytte russisk i digitale medium
• er i stand til å føre enkle samtaler på russisk
• kan gje ein kort presentasjon om eit førebudd tema på russisk 

Det blir normalt gitt to gongar fire timar undervisning i veka i tolv veker og 1-2 timar i praktisk russisk og sang i elleve veker.

I blokkene på fire timar vil normalt 3 timar gå til førelesingar om russisk grammatikk med øvingar, omsetjing og tekstlesing. Den siste timen er normalt munnleg undervisning i gruppe med den russiske språkpedagogen.

Undervisningsforma til dei 1-2 timane i praktisk russisk og sang vil vere konversasjon og sang med den russiske språkpedagogen og løysing av grammatiske oppgåver.
 

1) minst 70% oppmøte til førelesingane

2) minst 70% oppmøte til munnlegtimane

3) innlevering av minst 70% av dei skriftlege arbeida (øvingar, eksamensoppgåver, omsetjingar til russisk og til norsk)

4) ein munnleg presentasjon.

Godkjenninga av obligatoriske arbeidskrav er gyldig i undervisningssemesteret og to påfølgjande semester. 

Litteraturlista inneheld eit grammatikkverk som gjev ei elementær og oversiktleg innføring i russisk grammatikk, øvingar og øvingstekstar, eit hefte med omsetjingar og andre skriftlege heimeoppgåver, ei lærebok i omsetjing til russisk og eit pensum på om lag 100 sider med enkle russiske tekstar. Studentane skal òg skaffe seg ei russisk-norsk og ei norsk-russisk ordbok.

Litteraturlista vil vere klar innan 01.12. for vårsemesteret.