Emnet har som mål å la studenten fordjupe seg i eitt eller fleire sentrale emne innanfor anten russisk språk, litteratur eller kultur. Fagmiljøet gjev undervisning i ulike særemne, alt etter kva lærarressursar som er til rådevelde og studentane sine faglege retningsval.

Studiet tar til dømes opp tema som dialektologi, intonasjon, språkleg variasjon, russisk språk etter perestrojka, avantgarden i russisk litteratur, moderne russisk prosa, den russiske romanen på 1800-talet, Kaukasus i russisk litteratur (fortid og notid), og Petersburg-myten i russisk litteratur og kultur.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• har solide kunnskapar om det utvalde emnet innanfor russisk språk, litteratur og/eller kultur.
• har utvikla teoretisk innsikt i temaet og i problemstillingar som kan kome til nytte i arbeidet med masteroppgåva.

Ferdigheiter

Studenten

• har øvd seg i å omsetja russiske sakprosatekster til norsk, og frå norsk til russisk.
• har fått trening i akademisk framstilling, både skriftleg og munnleg, både på russisk og på norsk, gjennom skriftlege oppgåver (omsetjingar og essay), eit seminarinnlegg på russisk og diskusjon.

Generell kompetanse

Studenten

• har øvd opp ei kritisk og sjølvstendig haldning til lærestoffet.

Det blir normalt gitt minimum ei dobbelttime førelesning i veka i ti veker, og individuell rettleiing. Dersom ressursane tillèt det, blir det i tillegg halde seminar minimum 3 dobbelttimar i semesteret.

Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen 1. september.

Eit munnleg innlegg på russisk og fire omsetjingar (to norsk-russisk og to russisk-norsk) av pensumrelaterte tekstar.

Godkjenninga av obligatoriske arbeidskrav er gyldig i undervisningssemesteret.

Omfanget på pensumet vil variere med emnet.

Litteraturlista vil vere klar innan 01.06 for haustsemeseret og innan 01.12. for vårsemesteret.