Vår

Emnet tek utgangspunkt i dei tematiske kursa som studenten har vore gjennom på BA-programmet, og gjer sentrale perspektiv og debattar frå desse kursa relevante i forhold til to særskilde regionar. Førelesingane vil vere organiserte rundt komparative perspektiv på dei to regionane, ved at kvart tema blir drøfta opp mot etnografi frå begge regionane, med vekt på variasjon i kultur- og samfunnsformer. Det vil bli lagt vekt på korleis varige trekk ved kultur- og samfunnsformer heng saman med historiske og naturgitte føresetnader, samstundes som studenten får ei innføring i kritiske perspektiv på dei teoretiske føresetnadane som ligg til grunn for avgrensinga av regionar. I tillegg til førelesingar, vil etnografisk film vere ein viktig del av undervisinga på emnet.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

• gjere greie for sentrale trekk ved kultur- og samfunnsformer innan to etnografiske regioner
• kjenne til hovudtrekk ved antropologisk komparasjon

Ferdigheiter

• anvende innsikt om sosialitet, materialitet, meining og makt i eit regionalt komparativt perspektiv
• drøfte regionane sine sosio-kulturelle verkelegheiter i lys av imperialisme, globalisering og andre historiske vilkår
• vise forståing for samspelet og skilnaden mellom empiri, teori og analyse i eigen tekstproduksjon

Generell kompetanse

• reflektere over teoretiske utfordringar knytt til krysskulturell og regional komparasjon
• kunne anvende sosialantropologiske omgrep og perspektiv knytt til regional komparasjon
• kunne drøfte og samanlikne regionale særtrekk i ein sjølvstendig tekst
• kjenne til hovudtrekka i kvalitativ metode og kan reflektere over desse
• kunne lese og skrive akademiske tekstar innanfor fagspesifikke sjangrar

Ingen

Emnet blir karaktersett med bokstavkarakterar A-F.

studieveileder@sosantr.uib.no

55 58 92 50 / 55 58 94 51

Institutt for sosialantropologi