Studiet skal gi studentane oversyn over viktige utviklingstrekk og hendingar i den spansktalande verda med hovudfokus på latinamerikansk historie i det 20. hundreåret. Ein vil leggja vekt på at studentane skal kjenna bakgrunnen for det Latin-Amerika me ser dag. I tillegg vil det vera innslag frå spansk historie.

Studentane vinn innsyn i sentrale tema og problemstillingar innan fagområdet latinamerikansk og spansk historie. Vidare skal studentane analysera fagstoff og trekkje eigne slutningar. Dei skal kunna vidareutvikle kunnskap, dugleik og forståing gjennom vidare studium og yrkesliv.

 Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap:

Studenten

• har kunnskap om hovudtrekka i latinamerikansk historie med vekt på det 20. hundreåret.
• Kan trekkje nokre parallellar til spansk historie
  

Ferdigheiter:

Studenten

• har forståing for kva historiske faktorar som dannar bakgrunnen for aktuelle problemstillingar i dagens latinamerikanske samfunn og kultur.
• har forståing for korleis ulike perspektiv pregar framstillingane av latinamerikansk historie og samfunn.
• kan samtala om tema knytte til latinamerikansk historie, og då særleg tema frå det 20. hundreåret.
• kan gjera greie for sentrale trekk og samanhengar i latinamerikansk historie.
  

Generell kompetanse

Studenten

• kan analysera fagstoff og trekkja eigne slutningar.
• kan demonstrera kunnskap og evne til fagleg drøfting i mindre skriftlige arbeid på eit klart og korrekt spansk språk.
• kan vidareutvikle kunnskap, dugleik og forståing gjennom vidare studium og yrkesliv.

På grunn av fagleg overlapp vert studiepoenguttellinga for SPLA109 redusert med 10 studiepoeng om det vert kombinert med SPLA103 eller med SLAN612.

 Emnet er ope for alle med ein studierett ved UiB.

Personar utan studierett kan søkja Det humanistiske fakultet om å få gå opp til særskild eksamen.

 Det blir undervist i sentrale delar av pensum i hovudsak i form av oversynsførelesingar. Særleg er det lagt vekt på at studentane skal forstå kva innverknad historiske utviklingstrekk og hendingar har hatt på utviklinga i Latin-Amerika i det 20. hundreåret. Normalt blir det gitt førelesingar fire timar i veka i ti veker. Det kan også verta aktuelt å organisera undervisninga i større blokker.

Det blir også normalt gitt gruppeundervisning to timar i veka i ti veker, der ein legg vekt på munnleg trening gjennom å diskutere sentrale problemstillingar.

Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen 1. februar/1. september.

 Vurderingsforma i emnet er ein 4-timars skuleeksamen som vert skriven på spansk. Karakteren vert sett på grunnlag av både innhald og språk. Eksamen kan bli digital.