Formålet med emnet er å utvikle studentane sine teoretisk-kritiske refleksjonsevne i høve til teater og anna scenekunst i samtid og nær fortid. Emnet gir ei grunnleggande innføring i teaterestetikk og teaterteoriar frå slutten av 1700-tallet til i dag. Sentrale teaterestetiske teoriar frå det 19. hundreåret vert gjennomgått, men hovudfokus vil vere på teoriar frå det 20. og 21. hundreåret I tillegg vil emnet også omfatte ei grunnleggande innføring i teatervitskapelig hermeneutikk og kritisk teori.

Kunnskapar

Etter fullført emne har studenten

• gode kunnskapar om moderne teaterestetiske teoriar
• grunnleggjande forståing for sambandet mellom teori og praksis innan teater
• grunnleggjande kunnskapar om teatervitskapelig hermeneutikk.

Ferdigheiter

Etter fullført emne kan studenten

• gi ei skriftleg utgreiing om ei teaterteoretisk problemstilling
• vurdere og drøfte likskapar og skilnader mellom ulike teaterestetiske teoriar
• drøfte relevansen av ein estetisk teori i høve til ein bestemt teaterpraksis.

Generell kompetanse

Etter fullført emne kan studenten

• vurdere ei teaterframsyning eller ei teaterpraksis i lys av estetiske teoriar
• drøfte teaterestiske spørsmål i samband med samfunnstilhøve.

Undervisninga vert gitt i form av forelesningar og seminar med studentinnlegg.

7-dagars heimeeksamen med ein justerande munnleg eksamen.

Institutt for lingvistiske, litterære og estetiske studium

E-post: studierettleiar@lle.uib.no