DIDAMEVI3 er retta inn mot studentar som har fått opptak til den praktisk-pedagogiske utdanninga (PPU) med eitt undervisningsfag.

Målet med studiet i mediefagsdidaktikk er at studentane skal lære å reflektere kritisk over praksisfeltet og egen praksiserfaring i lys av litteratur og teori. Emnet legg vekt på tematiske diskusjonar med utgangspunkt i utvalte tekster. Emnet vil fokusere på digitale læringsverktøy, digital kompetanse i mediefaget, og elevane sine føresetnader i mediesamfunnet.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten har

• spesialisert innsikt om elevane sine føresetnader, bruk av digitale verktøy, og digital kompetanse i mediefaget
• avansert kunnskap om sentrale vitskapelege bidrag innanfor disse emna
• inngåande kjennskap til relevante døme på forskings- og utviklingsarbeid i skulen
• inngåande kjennskap til utfordringar i mediefaget i norsk vidaregåande skule knytt til elevane sine føresetnader og digitale kompetanse

Ferdigheiter

Studenten kan

• gjere greie for og diskutere utvalte vitskapelege tekstar på feltet
• anvende teoriar, omgrep og perspektiv frå litteraturen til kritisk refleksjon av praksisfeltet og egen praksis
• diskutere og anvende prinsipp for bruk av digitale læringsverktøy i mediefaget