Emnet har som mål å gje ei innføring i engelsk fagdidaktikk og har fire hovudområde:

• engelskfagets legitimering og eigenart
• sentrale styringsdokument for skolefaget
• språklæring
• omgrepet kommunikativ kompetanse
  

Studenten skal ved avslutta emne ha følgjande læringsutbyte definert i kunnskapar, dugleikar og generell kompetanse:

Kunnskapar:

Studenten

• har kunnskap om engelskfagets utvikling
• har innblikk i styringsdokument for skolefaget
• har kjennskap til sentrale språklæringsteoriar og -tilnærmingar
• har kjennskap til teoriar knytt til kommunikativ kompetanse

Dugleikar:

Studenten

• kan analysere styringsdokument for skolefaget
• kan reflektere over og drøfte skolepraksis i lys av relevant teori
• kan uttrykkje seg munnleg og skriftleg på engelsk knytt til emnet

Generell kompetanse:

Studenten

• kan reflektere over eiga læring
• kan reflektere over og drøfte problemstillingar knytte til engelsk som skolefag
• kan beskrive elevar si læring

Minimum 15 stp i engelsk

PEDA 120

KOPRA101

For studentar som tek engelsk som fag II: KOPRA102

12 timar førelesningar.

Seminar: 2 timar (obligatorisk oppmøte).

Seminar: 2 dagar for- og etterarbeid knytt til emnet KOPRA102 for studentar som tek engelsk som fag I, og 2 dagar for- og etterarbeid knytt til praksisemnet KOPRA103 for studentar som tek engelsk som fag II.

For å gå opp til eksamen må studentane ha delteke på eit seminar om lesing og skriving av akademiske tekstar innanfor fagområdet.

2 dagar for- og etterarbeid knytt til praksisemnet KOPRA102 for studentar som tek engelsk som fag I.

2 dagar for- og etterarbeid knytt til praksisemnet KOPRA103 for studentar som tek engelsk som fag II.

Sjølv om førelesningar ikkje er obligatoriske, er det venta at studentane er til stades i undervisninga, og organiseringa av undervisninga har dette som utgangspunkt.

Eksamensforma er ein 4 timar digital skoleeksamen, alternativt ein 4 timar vanleg skoleeksamen. Nærare informasjon blir gitt i studiet. Eksamen skal skrivast på engelsk, og rett og god språkføring vert vektlagd.

Pensum utgjer om lag 350 sider av normal vanskegrad.

Institutt for framandspråk gir forslag om spesifisert pensumliste i emnet