Emnet byggjer vidare på HIDID111, og rettar seg særleg mot undervisning i grunnskulen. Emnet tar opp historieundervisningas innhald og målsetjingar i lys av ein breiare samfunnsmessig og historiekulturell kontekst. Historieundervisningas samfunnsmessige funksjon og danningspotensial vil difor stå sentralt. I forlenginga av dette vil emnet ta for seg ulike vurderingsformer i historie, samt relevante undervisningsmetodar knytt til bruk av digitale verktøy.
Kunnskapar:
Kandidaten kan gjere greie for historiefagets samfunnsmessige funksjon og danningspotensial, og drøfte relevante problemstillingar dette reiser når det gjeld historieundervisningas innhald og målsetjingar. Kandidaten kjenner dessutan til læreplanen i faget, ulike vurderingsformer i historie, og ulike metodar for å bruke digitale verktøy i historieundervisninga.
Ferdigheiter:
Kandidaten kan drøfte relevante problemstillingar knytt til historieundervisningas samfunnsmessige funksjon og danningspotensial, og bruke dette i planlegging av eiga undervisning. Kandidaten kan også bruke ulike vurderingsformer, samt ulike metodar for bruk av digitale verktøy i historieundervisninga.
Generell kompetanse:
Kandidaten kan konkretisere målsetjingane for historieundervisninga i vidaregåande skule på ein sjølvstendig og fagleg kvalifisert måte, og har innsikt i historieundervisningas funksjon i ein brei samfunnsmessig og historiekulturell kontekst.
Emnet byggjer på PEDA111 og HIDID111.
Studentane kan bli pålagd inntil fire obligatoriske oppgåver/aktivitetar. Omfang og fristar for obligatoriske arbeidskrav blir annonsert på Mitt UiB.
Munnleg eksamen på 30 min.