Emner: JAP120 Japansk språk 2 - Høst 2019
Studiepoeng
30.0Studiepoeng, omfang
30
Studienivå (studiesyklus)
Bachelor
Undervisningsspråk
Norsk
Undervisningssemester
Haust
Undervisningsstad
Bergen
Mål og innhald
JAP120 byggjer på JAP110 og har utvida begynnarundervisning i og om det japanske språket, med vekt på språkstruktur, skriftspråk, høfleg tale og praktisk språkbruk.
Læringsutbyte
Etter fullført emne:
Kunnskapar
Studenten
- har ei utvida forståing av språksystemet og prinsippa som japanske ordbøker er bygde opp etter.
- har kjennskap til uformell tale samt vørdsamt og audmjukt språk. Studentane blir eksponerte for munnleg japansk gjennom lytteøvingar og bruk av multimedia.
- har auka kulturell innsikt og kjennskap til daglegliv og skikkar.
Ferdigheiter
Studenten
- kan grammatikk, vokabular og om lag 200 nye kanji.
- har trening i å skrive tekstar på japansk.
Generell kompetanse
Studenten
- har grunnleggjande innsikt i grammatiske strukturar på høgare begynnarnivå.
har eit språkleg nivå tilsvarande Japanese Language Proficiency Test, nivå 4.
Krav til forkunnskapar
Fullført JAP110 eller tilsvarande.
Tilrådde forkunnskapar
Studiepoengsreduksjon
På grunn av fagleg overlapp blir studiepoenguttellinga for JAP120 redusert med 15 studiepoeng om det blir kombinert med JAP111, JAP112, JAP103 eller JAP104.
Krav til studierett
Emnet er ope for studentar på bachelorprogrammet i japansk
Arbeids- og undervisningsformer
Undervisninga vil bli gitt i form av forelesingar, gruppeundervisning samt individuell rettleiing i samband med skriftleg arbeid.
Det er om lag 10 timar førelesing og 2 timar samtalegrupper i veka i 12 veker.
Obligatorisk undervisningsaktivitet
Dette emnet har 24 innleveringsoppgåver og kunnskapsprøver, to i kvar veke. I tillegg kjem ein munnleg test.
Alle desse 24 oppgåvene og den munnlege testen må vere godkjende i same semester for at kandidaten skal kunne framstille seg til vurdering.
Det er obligatorisk oppmøte til minst 80 prosent av undervisninga.
Godkjent obligatorisk undervisningsaktivitet er berre gyldig i undervisningssemesteret.
Vurderingsformer
Mappeevaluering. 7 av dei obligatoriske innleveringsoppgåvene og kunnskapsprøvene skal inngå i mappa: tre kanjitestar, tre grammatikktestar og éin stil.
Dei utvalde arbeida dannar grunnlag for ei samla karaktersetjing.
Hjelpemiddel til eksamen
Karakterskala
Ved sensur av emnet nyttar ein karakterskalaen A-F, der F er stryk.
Vurderingssemester
Haust
Litteraturliste
Pensum består av ei innføringsbok i japansk med tilhøyrande arbeidsbok og CD. Verket inneheld dialogtekstar, grammatikkutgreiingar, vokabular, øvingar og skriftteikn. Eit oppslagsverk i japansk grammatikk blir også nytta , samt ei lærebok/øvingsbok i skriftteikn. I tillegg kjem utvalde tekstar som blir utleverte på førelesingane.
Det blir utarbeidd ei liste over tilrådd tilleggslitteratur.
Emneevaluering
Undervisninga blir evaluert i tråd med UiB sitt kvalitetssikringssystem.
Programansvarleg
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.
Emneansvarleg
Programstyret for japansk
Administrativt ansvarleg
Det humanistiske fakultet ved Institutt for framandspråk har det administrative ansvaret for emnet og studieprogrammet.
Kontaktinformasjon
studierettleiar@if.uib.no
eksamen@if.uib.no