Fagleg innhald

Menneske omgir seg med ting og lever sine liv i tett omgang med dei materielle omgjevnadane. Det gjeld både korleis ein bruker, forstår og skapar ulike kategoriar som stader, minner, monumentar og ulike bruksting. Den fysiske omverda dannar rammer for daglege gjeremål, for korleis ein uttrykkjer seg og for korleis ein skaper band til andre. Det materielle dannar kort sagt praktiske, meiningsskapande og eksistensielle føresetnader for korleis ein lever.
Emnet gir ei innføring i kulturvitskaplege teorier om det materielle som kulturelt fenomen. Dette inneber å studere endringer relatert både til materielle forståingar i fortid og notid, i private og offentlege samanheng.

Læringsmål
Emnet skal gje ei innføring i kva betyding materielle omgjevnader og gjenstandar har i vårt daglegliv, i forming og forståing av våre omgjevnader. Emnet skal lære studentane å sjå det materielle som kulturelle fenomen.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap
Studenten

• har kunnskap om det materielle si kulturelle meining og kjenna til forskingslitteratur på feltet.

Ferdigheiter
Studenten

• har fått øving i å analysera materielle og kulturelle uttrykk og å formidla resultatet i skriftleg og munnleg form.

Generell kompetanse
Studenten

• har lært å kommunisera om faglege tema med andre med bakgrunn innan det same fagområdet.

Heimeeksamen på 7 dagar. Oppgåva skal vere på ca. 3000 ord. I tillegg er det justerande munnleg eksamen (maksimal justering er ein karakter).

Obligatoriske aktivitetar må vera gjennomførte for at studenten kan gå opp til eksamen.

Litteraturlista er på om lag 1200-1500 sider.

Litteraturlista vil vere klar innan 01.06. for haustsemesteret og 01.01. for vårsemesteret.