KVIK 100 gir ei brei og grunnleggjande innføring i sentrale omgrep i studiet av kjønn. Studentane får øving i å tenkje kritisk om kjønn gjennom arbeid med historiske og notidige tekstar, og med kjønnsrepresentasjonar i sosiale, kulturelle, politiske og vitskapelege samband. Emnet introduserer studentane til vidare tverrfagleg arbeid med kjønn og kjønna representasjonar innan ei rekkje fagdisiplinar. Emnet legg vekt på å øve studentane opp i sjølvstendig vitskapleg tenking og analyse, og i å kunne skrive akademiske tekstar med kjønnsproblematikk. Studentane skal og øvast opp i å søkje alternativ informasjon og kunnskap på eiga hand.

KVIK100 er eit obligatorisk emne i bachelorprogrammet i kjønnsstudium.

 Ein kandidat som har fullført emnet skal ha følgjande læringsutbyte definert i kunnskapar, ferdigheiter og generell kompetanse:

 Kunnskapar:

Kandidaten...

- kjenner til grunnleggjande omgrep i studiet av kjønn

Ferdigheter:

Kandidaten...

- kan reflektere sjølvstendig over kjønna representasjonar i notidige og historiske tekstar, og i sosiale, kulturelle, politiske og vitskaplege samband

- kan drøfte relevansen av kjønnsperspektiv på andre fagområde og i aktuelle problemstillingar, og reflektere kritisk over ulike former for kjønnsstudium

Generell kompetanse:

Kandidaten...

- kan arbeide sjølvstendig med ei problemstilling og presentere resultat frå dette arbeidet i skriftleg, akademisk form

- kan leite opp nødvendig informasjon og bakgrunnsmateriale til sjølvstendig arbeid med akademiske tekstar og problemstillingar

 10 SP reduksjon med KVIK110

Undervisinga vil bli gitt som førelesingar, normalt ein dobbeltime i veka over 12 veker, og seminar, normalt ein dobbeltime i veka over 6-10 veker.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

1. Det er obligatorisk oppmøte på seminara ( minst 75 % ).

2. Studenten skal levere litteraturliste.

3. Studenten skal levere eit skriftlig utkast til semesteroppgåve og få rettleiing på denne.

 Pensum er sett saman av tekstar henta frå ulike fagområde som tek opp spørsmål knytt til kjønn og seksualitet.

Tekstane er på norsk og engelsk.

Pensum er på om lag 600 sider.