Norsk

Haust

Emnet skal gi ei grunnleggande innføring i europeisk teaterhistorie frå antikken og fram til slutten av 1700-talet.

Gjennom emnet skal studenten få kunnskapar om skodespelarkunsten si utvikling i eldre europeisk historie, teaterbygningar og teaterdekorasjonanes funksjon og dramatikken si status i eldre tiders teater. Studenten skal òg få forståing for dei samfunnsmessige kontekstane til teater i eldre europeisk historie.

Gjennom emnet skal studenten få forståing for samanhengen mellom teater i fortid og nåtid.

Kunnskapar

Etter fullført emne har studenten

• gode kunnskapar om dei ulike epokane i eldre europeisk teaterhistorie
• kunnskapar om skodespelarkunst i eldre teaterhistorie
• kunnskapar om teaterbygningar og teaterdekorasjonar i eldre europeisk teaterhistorie
• grunnleggjande kunnskapar om teaterhistoriografiske problemstillingar.

Ferdigheiter

Etter fullført emne kan studenten

• gi ei god skriftleg utgreiing om eit emne innan eldre europeisk teaterhistorie
• kan finne og oppdatere eigne teaterhistoriske kunnskapar
• foreta ei enkel historiografisk vurdering av ein teaterhistorisk tekst

Generell kompetanse

Etter fullført emne kan studenten

• tileigne seg ny teaterhistorisk kompetanse gjennom eigne studiar av eldre teaterhistorie
• reflektere over ulike måtar å forstå teaterhistoria på
• reflektere over samanhengen mellom teaterhistoria og teater i nåtida.

Ingen

Undervisninga vert gitt i form av forelesingar og seminar med studentinnlegg.

Skriftleg skuleeksamen på seks timar.

Evaluering av tilbodet vert gjennomført i tråd med UiB sitt kvalitetssikringssystem.

Institutt for lingvistiske, litterære og estetiske studium

E-post: studierettleiar@lle.uib.no