Mål:

Emnet har som mål å gje studentane innsikt i miljøkonsekvensar av utvinning, omdanning og bruk av energi.

Studentane skal kunne utføre berekningar av ulike teknologiske energiløysingar og scenario både regionalt og globalt.

Emnet skal utdjupe studenten si forståing av korleis miljøfotavtrykk av ulike slag bør med i planlegging av energianlegg.

Innhald:

I emnet diskuterer ein grunnleggjande prinsipp og modellar for spreiing av forureining i luft og hav. Hovudvekta er på fysiske prosessar for transport og spreiing, men nokre utvalde prosessar for kjemisk omdanning og biologiske effektar er også med. Arealbruk og konfliktar med andre aktivitetar vert analysert for forskjellege energikjelder og energisystem. I tillegg vert det diskutert ulike metodar for å rekne inn kostnader for miljøeffektar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan gjere greie for dei grunnleggjande fysiske og termodynamiske prinsippa som ligg til grunn for transport og spreiing i luft og hav
• kan gjere greie for utfordringer knytt til miljøkonsekvensar av ulike energikjelder og energisystem

Ferdigheiter

Studenten

• kan kvantifisere spreiing av forureining
• kan sette opp eit miljørekneskap for teknologiske løysingar og energisystem

Generell kompetanse

Studenten

• kjenner og kan bruke omgrep som gjer ein i stand til å kommunisere miljøutfordringar knytt til energibruk med spesialistar innanfor fysikk, kjemi og biologi
• kan formidle prinsipp og utfordringar knytt til miljøkonsekvensar til ikkje-spesialistar

2/3 av øvingane må vere levert og godkjent for å ta eksamen.

Gyldig i to semester: Det semesteret obligatoriske arbeidskrav vert godkjent + det etterfølgjande semesteret.

Studentane skal evaluere undervisninga i tråd med UiB og instituttet sitt kvalitetssikringssystem.

Referansegrupper vil bli nytta årleg.

Studierettleiar kan du kontakte her:

studieveileder@gfi.uib.no

Tlf 55 58 26 04