Engelsk. Emnet undervisast på norsk dersom berre norskspråklege studentar meldar seg til emnet.

Mål

Oppnå grunnleggjande forståing av korleis ulike fjernmålingsteknikkar i mikrobølgeområdet vert nytta for oseanografi- og sjøisstudium.

Innhald

Det vert gjeven ei detaljert innføring i korleis målingar av passiv og aktiv elektromagnetisk stråling i mikrobølgeområdet vert nytta til å bestemma tilstandar på havoverflata. Døme på dette er vind og bølgjer, straum og straumstrukturar, havnivå, overflatetemperatur og -salthald, og sjøisdrift og -utbreiing. Grunnleggjande teori og empiriske samanhengar for vekselverknaden mellom dei elektromagnetiske mikrobølgjestrålane og overflata vert diskutert og vert satt i samanheng med spektralområde og instrumenttypar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

- har god forståing av ulike fjernmålingsteknikkar som vert nytta i oseanografi- og sjøisstudier og overvåking.

- har kunnskap om kva for oseanografiske og sjøisstorleikar ein målar i dei ulike spektralområda av mikrobølgeområdet.

- kan skildra teori og empiriske samanhengar for interaksjon mellom mikrobølgestråling og hav- og sjøisoverflata.

- har kunnskap om styrker og svakheiter til fjernmålingsteknikkane i mikrobølgeområdet.

Ferdigheter

Studenten

- kan greie ut om ulike fjernmålingsteknikkar som vert nytta i oseanografi- og sjøisstudier og overvåking.

- kan diskutere korleis den elektromagnetiske strålinga vekselverkar med havoverflata og sjøis.

- kan forklare kva for delar av det elektromagnetiske spektralområdet som vert nytta for å måla ulike oseanografiske og sjøisstorleikar.

Generell kompetanse

Studenten

- kan diskutere vekselverknader mellom elektromagnetisk stråling og havoverflata og sjøis

- kan nytta kunnskap om ulike fjernmålingsteknikkar til å finna relevant informasjon om havoverflata og sjøistilstander og endringar.

- kan visa til korleis oseanografisk kunnskap er styrka gjennom bruk av fjernmåling i mikrobølgeområdet.

- har kjennskap til bruk av satellittbaserte databasar

Undervisninga gis i form av førelesningar i hht oppgitt pensum. Innehald også demonstrasjon og vegleiing på bruk av tilgjengelege satellitt databaser til studie av hav- og sjøis relaterte tilstandar og endringar.

3-4 timar per veke.

I alt 12-13 veke.