Bachelor

Undervisninga blir gitt i første halvdel av vårsemesteret (på heiltid)

Mål: studentane skal vere i stand til å lese og skjøne enkle greske tekstar med god grammatisk og leksikalsk innsikt.

Innhald: emnet gjev ei elementær innføring i gresk språk gjennom grammatikkundervisning og lesing av normaliserte greske prosatekstar. Dessutan blir det gitt ei første innføring i gresk historie og kulturhistorie, med særleg vekt på den klassiske perioden.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Kandidaten har grunnleggjande kjennskap til gresk språk og grammatikk.

Ferdigheiter:

Kandidaten kan

- lese greske tekstar på eiga hand med bruk av grammatikk og ordbok
- analysere syntaktiske trekk i greske tekstar
- omsetje greske prosatekstar til eit moderne språk.

Generell kompetanse
Kandidaten kan

- setje seg inn i den grammatiske strukturen i eit nytt språk
- arbeide med tekstar på andre språk ved hjelp av grammatikk, ordbok, tekstkommentar o.l.

Undervisninga blir gitt i form av førelesingar (over elementarboka) og øvingar i praktisk språkmeistring.

Om lag 48 timar, 3 gonger i veka første halvdel av semesteret.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Studentane må få godkjent:

1. Obligatorisk frammøte på førelesingane (minimum 75%).

2. Minimum 3 øvingsoppgåver i samband med undervisning.