Emner: HEFR341 Planlegging, implementering og evaluering i helsefremmende arbeid - Vår 2020
Studiepoeng
10.0Studiepoeng, omfang
10
Studienivå (studiesyklus)
Master.
Fulltid/deltid
Fulltid.
Undervisningsspråk
Norsk/engelsk
Mål og innhald
Emnet Planlegging, implementering og evaluering tek sikte på å kvalifisere studentane til å drive forsking, undervisning, utvikling, implementering og evaluering av tiltak i samband med praktisk folkehelsearbeid. Det blir lagt vekt på å skolere studentane i grunnlagsteori, teoretisk grunngjeving for tiltak, og kritisk refleksjon relatert til teori og praksis.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskap
Studenten:
- har overordna forståing av kunnskapsbasert praksis
- har omfattande kunnskap om strategiar og teoriar for å planleggje, implementering og evaluere individ- og samfunnsretta tiltak for å fremje helse og velvere i ulike befolkningsgrupper
- kjenner ulike døme på innovative tiltak der viktige prinsipp og strategiar er brukt i praksisfeltet
- har inngåande forståing av verdien deltagelse og medverknad i planlegjing, implementering og evaluering i helsefremjande arbeid.
Ferdigheiter
Studenten:
- kan vurdere og samanlikne kunnskap frå fleire fagområde for å sjå nærare på problemområda
- kan bruke kunnskapen sin til å identifisere, vurdere relevansen av, argumentere for og gjennomføre helsefremjande og førebyggande intervensjonar
- kan, med utgangspunkt i teoriar, modellar og empiri, nytte analyseverktøy og gjennomføre evalueringar av praktisk folkehelsearbeid i samarbeid med aktuelle aktørar.
- kan analysere samspelet mellom individ og organisasjon
Generell kompetanse
Studenten:
- kan trekkje slutningar frå fakta, teoriar og modeller og kan velje mellom alternative forklaringar og kritisk grunngje vala sine
- tek ansvar i gruppeprosessar både for fagleg innhald og samarbeid i grupper
- har evne til å vurdere eigen og gruppa sin innsats.
- kan samhandle med praksisfeltet omkring innhenting av relevant informasjon for å vurdere kvaliteten på konkrete tiltak
- kan stimulere til nytenking og innovasjon
- kan kommunisere om faglege problemstillingar med andre fag og sektorar samt med målgruppa
- meistrar teamarbeid samt tverrfagleg og tverrsektorielt samarbeid.
- kan vurdere, bruke og kommunisere informasjon på ein etisk måte
Krav til forkunnskapar
Krav til studierett
Emnet er ope for alle med studierett på masternivå.
Arbeids- og undervisningsformer
Undervisninga vekslar mellom bruk av førelesingar, gruppearbeid og individuelt arbeid. Førelesingane er tenkt å hjelpe studenten til å få oversikt over vesentlege moment som kan vere til nytte i vidare individuelt og grupperelatert arbeid. I tillegg blir det nytta andre undervisnings- og arbeids- former som munnlege presentasjonar og skriftlege innleveringar. Emnet går over fem veker, med tre veker førelesing og tre veker praktisk prosjektarbeid i grupper som overlappar kvarandre.
Obligatorisk undervisningsaktivitet
Følgjande arbeidskrav må gjennomførast og godkjennast for at ein skal kunne gå opp til eksamen:
- Deltaking på praktisk prosjektarbeid i grupper
- Presentasjon frå gruppearbeid i praktisk prosjektarbeid
Vurderingsformer
Heimeeksamen over 4 dagar med innlevering av oppgåve på 3000 ord (+/- 10%).
Karakterskala
Ved sensur av emnet blir det brukt karakterskalaen A-F.
Litteraturliste
Litteraturlista vil vere klar innan 1. desember for vårsemesteret. Lista inneheld både norsk- og engelskspråkleg litteratur.
Emneevaluering
Studentane skal evaluere undervisninga i tråd med UiB sitt kvalitetssikringssystem.
Programansvarleg
HEMIL-senteret
Emneansvarleg
HEMIL-senteret.
Administrativt ansvarleg
Det psykologiske fakultet har det administrative ansvaret for emnet og studieprogrammet.
Kontaktinformasjon
Informasjonssenteret: mailto:studierettleiar.psyfa@uib.nostudierettleiar.psyfa@uibmailto:studierettleiar.psyfa@uib.no.mailto:studierettleiar.psyfa@uib.nono
Tlf. 55 58 27 10