Mål: Emnet gir auka kunnskap i latinsk ordforråd, formlære og syntaks, og eit oversyn over romersk litteratur- og kulturhistorie.

Innhald: Lesing av sentral prosatekst frå antikken. Det er førelesingar om syntaks, formlære og tekstens historiske bakgrunn.

Kunnskapar

Kandidaten har

- auka kjennskap til latinsk språk og grammatikk,

- innsikt i det romerske samfunnet og litteratur

Ferdigheiter

Kandidaten kan

- lese latinske tekstar på eiga hand med bruk av ordbok

- identifisere former og analysere setningar på latin ved hjelp av grammatikk.

- omsetje enkle norske setningar til latin.

- gjere greie for viktige romerske forfattarar, politikarar, og hendingar innanfor latinskspråkleg litteratur og kultur.

Generell kompetanse

Kandidaten kan
- setje seg inn i den grammatiske strukturen i eit nytt språk
- arbeide med tekstar på andre språk ved hjelp av grammatikk, ordbok, tekstkommentar o.l.

Emnet er ope for alle med studierett ved Universitetet i Bergen.

Denne eksamenen er open for personar utan studierett, etter søknad til Det humanistiske fakultet. Se UHL §3-10.

Undervisninga vert gjeven i form av førelesingar over delar av pensum og øvingar i praktisk språkbruk, m.a. gjennom omsetjingar frå norsk til latin.

Om lag 42 timar, tre gonger i veka siste halvdel i semesteret.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt vil studentane få informasjon om det ved semesterstart, og før fristen for semesterregistrering 1. februar / 1. september.

Ingen.

Skuleeksamen på 6 timar med ordbok.

Hausten 2020 er vurderingsforma endra til:

6 timars skriftleg heimeeksamen.

studierettleiar@lle.uib.no