Emnet tek føre seg det formelle grunnlaget for beskriving av språk og datamaskinelle metodar for behandling av språk. Målet er å sette studentar i stand til å tenke på ein matematisk presis måte når ein karakteriserer eit språk og å bruke dataverktøy for å prosessere språk.

Emnet tar utgangspunkt i mengdelære og logikk og gir ein innføring i formelle metodar i lingvistikken. Emnet gjev også ei innføring i koding av tekst og tale, i elektroniske språkressursar (spesielt korpus), i språkprosessering og i språkteknologiske bruksområde. Dette emnet eignar seg for studentar i lingvistikk, informatikk eller kognisjonsvitskap.

 Kunnskapar

Kandidaten kan gjengi og gjere greie for dei grunnleggjande formelle metodane som vert nytta innanfor forsking og utvikling i syntaks, semantikk og språkprosessering, særleg syntaktisk og morfologisk analyse, til dømes:

• funksjonar og relasjonar, permutasjonar og kombinasjonar
• grafar og trær
• automatar, grammatikkar og klassifiseringa av språk innanfor Chomskyhierarkiet
• algoritmar og kompleksitet

Ferdigheiter

Kandidaten kan...

• gjennomføre viktige resonnement om automatar, grammatikkar og språk, og t.d. nytte pumpelemma
• skrive enkle programmer for behandling av språklege data
• skrive regulære uttrykk for søk i tekstkorpus
• ekstrahere informasjon fra tekst på verdsveven

Generell kompetanse

Kandidaten kan...

• bruke induksjon som bevismetode
• bruke korrekte matematiske formuleringar
• bruke tekstkorpus som empirisk materiale
• vurdere tekst på verdsveven som datamateriale

 Dei spesifikke måla blir nådd gjennom deltaking i undervisninga, sjølvstudium og øving. Samla undervisning utgjer omkring 26 timar førelesingar.

Om det melder seg færre enn fem studentar til eit emne kan instituttet innføre redusert undervisning, jamfør instituttet sine retningsliner for dette på Mitt UiB. På emne der dette kan verte aktuelt vil studentane få informasjon om dette ved semesterstart, og før fristen for semesterregistrering 1. februar / 1. september.

 Studentane skal levere ei mappe beståande av 3 delar. Innhald og problemstilling for kvar del vert gitt fortløpande.

Omfanget av kvar del skal vere mellom 600 og 1200 ord (utanom evt. data i vedlegg og referansar).

Alle delane dannar grunnlag for ein samla karakter og blir vekta likt.

Vurdering vil skje fortløpande gjennom semesteret.

Alle delar må vere bestått (karakter A-E) for at eksamenen er bestått.