Emner: MED7 Sjuende semester medisinstudiet - Vår 2020
Studiepoeng
27.0Undervisningsspråk
Norsk
Undervisningssemester
Haust og vår
Mål og innhald
Emnet for 7. semester gir studentane inngåande kunnskap om sjukdom og skade innanfor fagområda nevrologi, nevrokirurgi, psykiatri, auge og øyre-nase-hals. Det blir undervist i generell undersøkingsteknikk knytt til fagområda, og det blir lagt vekt på tydinga av symptombasert diagnostikk og oppstart av behandling.
Studentane skal også 4 veker i psykiatriutplassering ved ei psykiatriavdeling på eit sjukehus. Studentane skal då følgje pasientar frå innkomst og gjennom opphaldet eller eventuelt polikliniske konsultasjonar. Dei skal også vere med når pasienten blir undersøkt og behandla, og når lege har samtale med pasienten.
Integrert i emnet ligg også oppstartseminar for særoppgåve og utarbeiding av prosjektskildring for denne.
Læringsutbyte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskapar
Etter gjennomført semester har studenten kunnskap om:
- Symptom og funn, diagnostikk og behandling av dei viktigaste sjukdommane og skadane innanfor fagområda nevrologi, nevrokirurgi, psykiatri, auge og øyre-nase-hals.
- Symptom og funn knytt til nevrologi, nevrokirurgi, psykiatri, auge og øyre-nase-hals som kan vere ein del av indremedisinske eller kirurgiske sjukdommar.
- Allmennmedisinske, indremedisinske eller kirurgiske sjukdommar som ofte kan føre til symptom og sjukdom knytt til fagområda nevrologi, nevrokirurgi, psykiatri, auge og øyre-nase-hals.
- Kva slags pasientar som kan behandlast utanfor sjukehus og kva for nokre pasientar som skal visast vidare til spesialisthelsetenesta.
- Spesialundersøkingar og prosedyrar knytt til diagnostikk og behandling av dei viktigaste sjukdommane og skadane innanfor fagområda nevrologi, nevrokirurgi, psykiatri, auge og øyre-nase-hals.
- Verknadsmekanismar og aktuelle lokale og generelle biverknader av dei vanlegaste medikamenta som blir brukt ved behandling av dei viktigaste sjukdommane og skadane innanfor fagområda nevrologi, nevrokirurgi, psykiatri, auge og øyre-nase-hals.
- Lovverket og i særleg grad det å meistre den delen som regulerer åtgang til tvangsundersøking og innlegging.
Ferdigheiter
Etter gjennomført semester kan studenten:
- Utføre målretta anamneseopptak og fullstendig klinisk undersøking for å kunne vurdere sjukdom innanfor fagområda nevrologi, nevrokirurgi, psykiatri, auge og øyre-nase-hals.
- Diagnostisere og behandle vanlege sjukdommar og skadar innanfor fagområda nevrologi, nevrokirurgi, psykiatri, auge og øyre-nase-hals.
Generell kompetanse
Etter gjennomført semester skal studenten:
- Ha innsikt i, og kunne forholde seg på ein fagleg korrekt og empatisk måte til menneske med sjukdom innanfor fagområda nevrologi, nevrokirurgi, psykiatri, auge og øyre-nase-hals.
- Ha innsikt i, og kunne forstå den praktiske tydinga av dei ulike symptoma og utfalla knytt til sjukdom innanfor fagområda nevrologi, nevrokirurgi, psykiatri, auge og øyre-nase-hals.
- Ha innsikt i korleis det er å leve med ein sjukdom innanfor fagområda nevrologi, nevrokirurgi, psykiatri, auge og øyre-nase-hals.
- Innsikt i etiske problemstillingar knytt til diagnostikk, og behandling av pasientar med alvorlege sjukdommar innanfor fagområda nevrologi, nevrokirurgi, psykatri, auge og øyre-nase-hals.
- Ha innsikt i og kunne utvikle haldningar som skapar kontakt, tryggleik og tillit i lege-pasient forholdet.
- Ha innsikt i organiseringa av helsevesenet og kunne utvikle gode samarbeidsrelasjonar til andre yrkesgrupper.
- Ha innsikt i pasientrettigheiter.
- Ha innsikt i verdien av dokumentasjon og behovet for grunngjeving av avvik frå vanleg praksis.
Krav til studierett
Medisinstudiet
Undervisningsformer og omfang av organisert undervisning
Undervisningsformer og omfang av organisert undervisning
Undervisinga blir gitt i form av førelesningar, pasientdemonstrasjonar, TBL, gruppeundervising med innøving av undersøkingsteknikk og undersøking av pasientar. Ein føreset stor eigenaktivitet frå studentane si side når det gjeld å utøve undersøkingsteknikk på kvarandre.
Fagleg informasjon via Mitt UiB/e-post.
Obligatorisk undervisningsaktivitet
- Deltaking på praktiske kurs og øvelser
- Deltaking på uketeneste og utplassering
- Deltaking på pasientdemonstrasjonar
- Deltaking på teambasert læring (TBL)
- Deltaking på gruppeundervising
Obligatoriske arbeidskrav undervegs i semesteret må vere godkjent for å få gå opp til semestereksamen.
Grunna utbrotet av COVID-19 (koronavirus) vil desse undervisningsaktivitetane ikkje vere obliogatoriske for vårsemesteret 2020 med heimel i studietilsynsforskrifta § 2-7.
Vurderingsformer
I emnet nyttar ein følgande vurderingsformer:
- Digital skriftleg eksamen (5 timar) med spørsmål frå alle tema for 7. semester.
- Munnleg/praktisk eksamen (kvar student skal opp i eitt av fire hovudtema: enten nevrologi, psykiatri, øyre-nase-hals eller auge).
Det blir gitt ein samla karakter for semesteret, der skriftleg eksamen tel 70 % og munnleg 30 %.
Grunna utbrotet av COVID-19 (koronavirus) vil det for vårsemesteret 2020 vere endringar i vurdering med heimel i studietilsynsforskrifta § 2-7:
Våren 2020 er dette vurderingsforma i emnet:
¿ Digital skriftleg heimeeksamen (5 timar) med spørsmål frå alle tema for 7. semester.
Det blir gitt ein samla karakter for semesteret.
Følgande vurderingsdel utgår og er ikkje ein del av vurderinga våren 2020:
¿ Munnleg/praktisk eksamen
Karakterskala
A-F
Grunnet utbruddet av COVID-19 (koronavirus) vil det for vårsemesteret 2020 benyttes karakterskala bestått/ikke bestått med hjemmel i studietilsynsforskriften § 2-7.
Vurderingssemester
Haust og vår
Emneevaluering
I studieplanen Medisin 2015 skal emna evaluerast ved bruk av referansegrupper i kombinasjon med skriftleg evaluering.
Programansvarleg
Programutvalet for medisin har ansvar for fagleg innhald og oppbygging av studiet og for kvaliteten på studieprogrammet og alle emna der.
Emneansvarleg
Semesterstyret for MED7.
Emneansvarleg institutt: Klinisk institutt 1
Administrativt ansvarleg
Emneansvarleg institutt: Klinisk Institutt 1
studie@kliniskmedisin.uib.no
Kontaktinformasjon
Klinisk institutt 1
studie@kliniskmedisin.uib.no